An-Nasr
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
إِذَا جَآءَ نَصْرُ ٱللَّهِ وَٱلْفَتْحُ 1 وَرَأَيْتَ ٱلنَّاسَ يَدْخُلُونَ فِى دِينِ ٱللَّهِ أَفْوَاجًا 2 فَسَبِّحْ بِحَمْدِ رَبِّكَ وَٱسْتَغْفِرْهُ ۚ إِنَّهُۥ كَانَ تَوَّابًۢا 3
{1 - 3} Katika Sura hii tukufu kuna bishara njema, amri kwa Mtume wake itakapotokea, na ishara na tanbihi juu ya yatakayotokea kutokana na hayo. Bishara njema hiyo ni bishara njema ya nusura ya Mwenyezi Mungu kwa Mtume wake, na kuiteka kwake Makka, na kuingia kwa watu "katika Dini ya Mwenyezi Mungu kwa makundi" hapo wakawa wengi wake ni katika watu wake na wasaidizi wake baada ya kwamba walikuwa katika adui zake. Na bishara hii tayari ilishatokea. Ama amri aliyoamrishwa baada ya nusura na ushindi wa Makka ni ile amri ambayo [Mwenyezi Mungu] alimuamuru Mtume wake kumshukuru kwa hayo, na kumtakasa kwa sifa zake, na kumuomba msamaha. Na ama bishara njema, hiyo ndani yake kuna ishara mbili: ishara kwamba nusura ya dini itaendelea na kuongezeka wakati wa kumtakasa Mwenyezi Mungu kwa sifa zake na Mtume wake kumuomba msamaha. Kwani hayo ni katika shukurani, na Mwenyezi Mungu anasema: "Mkishukuru nitakuzidishieni." Haya tayari yalishapatikana katika zama za Makhalifa waongofu na baada yao katika umma huu. Nusura ya Mwenyezi Mungu iliendelea mpaka Uislamu ukafika pale ambapo dini nyingine yoyote ile haikuwahi kufika, na wakaingia ndani yake wale ambao hawakuingia katika dini nyingineyo, hadi yalipotokea yaliyotokea katika umma huu ya kuhalifu amri ya Mwenyezi Mungu. Kwa hivyo wakapewa mtihani wa kufarikiana kwa neno lao na jambo lao kutawanyika. Lakini licha ya hili, umma huu na dini hii vina rehema na upole wa Mwenyezi Mungu ambao hautokei akilini mwa mtu yeyote wala katika fikira yake. Na ama bishara njema ya pili ni ishara ya kwamba maisha ya Mtume wa Mwenyezi Mungu - rehema na amani zimshukie - yamekaribia kwisha. Na sababu ya hilo ni kuwa maisha yake ni maisha bora, ambayo Mwenyezi Mungu ameapa kwayo, na imekuwa kawaida kwamba mambo bora yanafungwa kwa msamaha; kama vile swala, Hija, na mengineyo. Kwa hivyo, Mwenyezi Mungu kumwamrisha Mtume wake kumsifu na kuomba msamaha katika hali hii ni ishara ya kwamba wakati wake umefika mwisho. Basi na ajiandae na kukutana na Mola wake Mlezi na amalizie maisha yake kwa bora zaidi anayoweza kuyapata - rehema na amani ziwe juu yake. Kwa hivyo Mtume - rehema na amani ziwe juu yake - akawa anafasiri Qur-ani na anasema hivyo katika swala yake. Mara nyingi alikuwa akisema katika kurukuu kwake na kusujudu kwake: "Umetakasika, ewe Mwenyezi Mungu, Mola wetu Mlezi, na sifa njema ni zako. Ewe Mwenyezi Mungu, nisamehe."