Quraish
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
لِإِيلَـٰفِ قُرَيْشٍ 1 إِۦلَـٰفِهِمْ رِحْلَةَ ٱلشِّتَآءِ وَٱلصَّيْفِ 2 فَلْيَعْبُدُوا۟ رَبَّ هَـٰذَا ٱلْبَيْتِ 3 ٱلَّذِىٓ أَطْعَمَهُم مِّن جُوعٍ وَءَامَنَهُم مِّنْ خَوْفٍۭ 4
{1 - 4} Wafasiri wengi walisema kwamba neno "kwa" na maneno ya baada yake yanahusiana na sura iliyoko kabla ya sura hii. Yaani, tuliwafanyia watu wa tembo yale tuliyowafanyia kwa ajili ya Maquraishi, usalama wao, kuweka sawa masilahi yao, na kuweka nidhamu iliyo kwa ajili ya safari zao wakati wa kipupwe kwenda Yemen na wakati wa kiangazi kwenda Sham, kwa ajili ya biashara na kuchuma. Basi Mwenyezi Mungu akawaangamiza wale waliowatakia mabaya, na akalifanya suala la Msikiti Mtakatifu na pia watu wake kuwa kubwa katika nyoyo za Waarabu, mpaka wakawaheshimu na hawakupingana nao katika safari yoyote waliyoitaka, na ndiyo maana Mwenyezi Mungu akawaamrisha kushukuru, akasema: "Basi na wamuabudu Mola Mlezi wa Nyumba hii" na wamkusudie Yeye tu katika ibada. "Ambaye anawalisha wasipate njaa, na anawalinda na hofu." Kwani wingi wa riziki na usalama kutokana na hofu ni miongoni mwa neema kubwa za kidunia zinazohitaji kumshukuru Mwenyezi Mungu Mtukufu. Basi ewe Mwenyezi Mungu sifa njema na shukrani ni zako kwa sababu ya neema zako zilizo dhahiri na zilizofichika. Na hapa Mwenyezi Mungu ametaja umola wake kwa Nyumba Tukufu kwa sababu ya fadhila zake na utukufu wake, vinginevyo; Yeye ndiye Mola Mlezi wa kila kitu.