Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَكَذَٰلِكَ نُوَلِّى بَعْضَ ٱلظَّـٰلِمِينَ بَعْضًۢا بِمَا كَانُوا۟ يَكْسِبُونَ 129
{129} "Na namna hivi ndivyo tunavyowafanya baadhi ya madhalimu wapendane wao kwa wao kwa sababu ya yale waliyokuwa wakiyachuma." Yaani, kama vile tulivyofanya urafiki katika majini waasi na tukawapa mamlaka juu ya kuwapoteza marafiki zao miongoni mwa wanadamu, na tukafunga baina yao mkataba wa mapatano na kuafikiana kwa sababu ya kuchuma kwao na juhudi zao kufanya hivyo. Na vile vile katika Sunnah zetu ni kufanya urafiki kati ya kila dhalimu na dhalimu mwingine mfano wake anayemsukuma kufanya maovu, na anamhimiza kufanya hivyo, na kumkatisha tamaa ya kujiepusha na kheri, na kumtengenisha nayo. Na hii ni miongoni mwa adhabu za Mwenyezi Mungu zenye athari mbaya, zenye hatari kubwa. Na dhambi hizi ni dhambi za dhalimu huyo kwa maana Yeye ndiye aliyejiingizia madhara katika nafsi yake na akajifanyia makosa, na Mola wako Mlezi si mwenye kuwadhulumu waja wake. Na katika hayo ni kwamba waja ikiwa dhuluma yao itakithiri, na uharibifu wao, na kuzuia kwao haki za wajibu, wanawekwa chini ya madhalimu wanaowatia adhabu kali, na wanachukua kutoka kwao kwa dhuluma na ukandamizaji mara nyingi zaidi ya mali walizozuia katika haki za Mwenyezi Mungu na waja wake kwa njia ambayo hawalipwi wala hawatafuti malipo kwa Mwenyezi Mungu. Vivyo hivyo ikiwa waja watatengenea na wakanyooka, basi Mwenyezi Mungu atawafanya viongozi wao kutengenea, na atawafanya kuwa maimamu waadilifu na wasiodhulumu, sio watawala madhalimu na wanyanyasaji.