Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَيَوْمَ يَحْشُرُهُمْ جَمِيعًا يَـٰمَعْشَرَ ٱلْجِنِّ قَدِ ٱسْتَكْثَرْتُم مِّنَ ٱلْإِنسِ ۖ وَقَالَ أَوْلِيَآؤُهُم مِّنَ ٱلْإِنسِ رَبَّنَا ٱسْتَمْتَعَ بَعْضُنَا بِبَعْضٍ وَبَلَغْنَآ أَجَلَنَا ٱلَّذِىٓ أَجَّلْتَ لَنَا ۚ قَالَ ٱلنَّارُ مَثْوَىٰكُمْ خَـٰلِدِينَ فِيهَآ إِلَّا مَا شَآءَ ٱللَّهُ ۗ إِنَّ رَبَّكَ حَكِيمٌ عَلِيمٌ 128
{128} Yeye Mtukufu Anasema, "Na ile Siku atakapowakusanya wote;" yaani, wazito wawili wote miongoni mwa wanadamu na majini, aliyepotea miongoni mwao na aliyempoteza mwingineye. Basi anasema akiwakemea majini waliowapoteza watu na wakawapambia uovu, na wakawaingiza katika maasia: "Enyi kundi la majini! Hakika nyinyi mmechukua wafuasi wengi katika wanadamu." Yaani, katika kuwapoteza na kuwazuilia njia ya Mwenyezi Mungu. Basi vipi mliyajia maharamisho yangu, mkafanya ujasiri katika kuwapinga mitume wangu, na mkasimama kumpiga vita Mwenyezi Mungu, mkifanya juhudi katika kuwazuia waja wa Mwenyezi Mungu kutoka kwenye njia yake hadi kwenye njia ya Jahiim? Basi leo hii laana yangu imewekwa juu yenu, na adhabu yangu imekuwa wajibu juu yenu, na tutawazidishia adhabu kulingana na kiasi cha ukafiri wenu na kupoteza kwenu wengine. Na hamna udhuru wowote kuuwasilisha, wala kimbilio mtakalokimbilia huko, wala mwombezi wa kuwaombea, wala dua itakayosikilizwa! Basi hapo usiulize juu ya yale yatakayowapata miongoni mwa adhabu na hizaya na mateso. Na ndiyo maana Mwenyezi Mungu hakutaja udhuru wowote kuwahusu. Na marafiki wasaidizi wao miongoni mwa watu, wao walitoa udhuru usiokubalika, na wakasema: "Mola Mlezi wetu! Tulinufaishana baadhi yetu kwa wenzi wetu." Yaani, kila mmoja katika Majini na wanadamu alimfurahisha mwenzake na akanufaika naye. Jini alifurahia utiifu wa mwanadamu kwake, kwa kumwabudu, na kumtukuza, na kutafuta hifadhi kwake. Naye mwanadamu alifurahia kwa kupata malengo yake na kuyafikia kulingana na jini kumtumikia katika baadhi ya matamanio yake. Mwanadamu anaabudu jini, basi jini humtumikia na kumtimizia baadhi ya mahitaji ya kidunia. Yaani, tulifanya dhambi zilizotokea, na wala haziwezekani kuzitendua. "Na tumefikia muda wetu uliotuwekea;" yaani, tumefika mahali ambapo unalipia kwa matendo. Basi tufanyie sasa unavyotaka, na utuhukumu kwa utakalo, tayari hoja zetu zimekwisha katika, na hatuna udhuru wowote, na jambo ni jambo lako, na hukumu ni hukumu yako. Na ni kana kwamba katika maneno haya kuna aina fulani ya kunyenyekea upole, lakini kwa wakati usiokuwa wakati wake, na ndiyo maana akawahukumu kwa hukumu yake ya uadilifu isiyokuwa na dhulma. Akasema, "Basi Mwenyezi Mungu atasema: Moto ndio makazi yenu, mtadumu humo." Na kwa kuwa hukumu hii ilitokana na matakwa ya hekima yake na elimu yake, Akahitimisha Aya hii kwa kauli yake: "Hakika Mola wako Mlezi ni Mwenye hekima kubwa, Mwenye kujua zaidi." Basi kama vile elimu yake ilienea kila kitu na kuvijumuisha, hekima yake isiyokuwa na kikomo imejumuisha mambo yote, na kuyaenea.