Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَا جُنَاحَ عَلَيْكُمْ فِيمَا عَرَّضْتُم بِهِۦ مِنْ خِطْبَةِ ٱلنِّسَآءِ أَوْ أَكْنَنتُمْ فِىٓ أَنفُسِكُمْ ۚ عَلِمَ ٱللَّهُ أَنَّكُمْ سَتَذْكُرُونَهُنَّ وَلَـٰكِن لَّا تُوَاعِدُوهُنَّ سِرًّا إِلَّآ أَن تَقُولُوا۟ قَوْلًا مَّعْرُوفًا ۚ وَلَا تَعْزِمُوا۟ عُقْدَةَ ٱلنِّكَاحِ حَتَّىٰ يَبْلُغَ ٱلْكِتَـٰبُ أَجَلَهُۥ ۚ وَٱعْلَمُوٓا۟ أَنَّ ٱللَّهَ يَعْلَمُ مَا فِىٓ أَنفُسِكُمْ فَٱحْذَرُوهُ ۚ وَٱعْلَمُوٓا۟ أَنَّ ٱللَّهَ غَفُورٌ حَلِيمٌ 235
{235} Hii ni hukumu ya mwanamke ambaye anakaa eda ya kufiwa mume. Au yule aliyeachana naye katika uhai kuachana ambako hawawezi kurudiana isipokuwa kwa nikaha mpya. Kwa hivyo, ni haramu kwa asiyekuwa aliyemwacha kumposa waziwazi. Na ndilo lililokusudiwa katika kauli yake, "lakini msiwaahidi kwa siri." Na ama kwa nanma ya kuficha, basi Mwenyezi Mungu amedondoa ubaya ndani yake. Na tafauti baina yake ni kuwa namna ya waziwazi haimaanishi chochote isipokuwa ndoa. Ndio maana ikaharamishwa kwa kuhofia (mwanamke) asije akaharakisha na akadanganya kuhusu kumalizika kwa eda yake kwa sababu ya kutaka kuoleka. Na ndani yake kuna dalili juu ya kuzuia njia za kufikia haramu, na kutimiza haki ya mume wake wa kwanza kwa kutoahidiana na asiyekuwa yeye katika muda wa eda yake. Na ama kwa namna ya kuficha, nayo ni (ile namna) yenye uwezekano wa ndoa na mengineyo. Basi hiyo (namna) inaruhusika kwa yule aliyeachana kuachana kunakolazimu nikaha mpya ili kurudiana, kama vile aseme [amwambie mke huyo]: 'Mimi kwa hakika ninataka kuoa' na 'mimi kwa hakika ningependa unishauri wakati eda yako inaisha,' na mfano wa hayo. Basi hili linaruhusika kwa sababu siyo kama kusema waziwazi. Na ni jambo ambalo huwa kuna msukumo mkubwa wa kulifanya katika nafsi. Na ndio maana alisema, "au mkalificha ndani ya nyoyo zenu. Mwenyezi Mungu alikwisha jua kwamba nyinyi mtawakumbuka." Na haya maelezo yote ni kuhusiana na utangulizi wa mkataba wa nikaha. Na ama mkataba wa ndoa, huo hauruhusiki, "mpaka andiko (la amri ya eda) lifike muda wake," yani mpaka eda imalizike. "Na jueni kwamba Mwenyezi Mungu kwa hakika anajua yaliyomo katika nafsi zenu." Yani kusudieni mema, wala msikusudie maovu; kwa kuhofia adhabu yake na kutarajia malipo yake mazuri. "Na jueni kwamba Mwenyezi Mungu ni Mwenye kusamehe;" kwa anayefanya dhambi kisha akazitubia. Na akarejea kwa Mola wake Mlezi "Mpole" kwa kuwa hakuwaharakishia adhabu waasi juu ya dhambi zao, pamoja na uwezo wake juu yao.