Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَٱلَّذِينَ يُتَوَفَّوْنَ مِنكُمْ وَيَذَرُونَ أَزْوَٰجًا يَتَرَبَّصْنَ بِأَنفُسِهِنَّ أَرْبَعَةَ أَشْهُرٍ وَعَشْرًا ۖ فَإِذَا بَلَغْنَ أَجَلَهُنَّ فَلَا جُنَاحَ عَلَيْكُمْ فِيمَا فَعَلْنَ فِىٓ أَنفُسِهِنَّ بِٱلْمَعْرُوفِ ۗ وَٱللَّهُ بِمَا تَعْمَلُونَ خَبِيرٌ 234
{234} Yani mume atakapokufa, mke wake atakaa akingoja kwa lazima miezi minne na siku kumi. Na hekima katika hilo ni kubainisha mimba katika muda huo wa miezi minne. Naye mtoto aliye ndani ya tumbo ataanza kusongasonga mwanzoni mwa mwezi wa tano. Na ujumla huu umefanywa kuwa mahususi katika hali ya wanawake wajawazito. Hao eda yao inaisha kwa kuzaa. Na vile vile mjakazi, muda wake ni nusu ya muda wa mwanamke huru; miezi miwili na siku tano. Na kauli yake "na wakimaliza muda wao (wa eda), basi hakuna ubaya wowote juu yao katika yale wanayozifanyia nafsi zao." Yani kuyarudia kwao mapambo na manukato "kwa wema" yani namna isiyokuwa haramu wala inayochukiza. Na katika hili kuna ulazima wa kuacha mapambo katika muda wa eda kwa mwanamke aliyefiwa mume peke yake. Siyo wale wanawake wengineo wanaoachwa kwa talaka na kuachana kwingineko. Na hili wamekubaliana juu yake wanachuoni. "Na Mwenyezi Mungu anazo habari zote za mnayoyatenda." Yani anayajua matendo yenu, ya dhahiri yake na ya ndani yake, ya waziwazi kabisa na yaliyofichika, kisha atawalipa juu yake. Na katika kuwaongelesha kwake wasimamizi (wa wanawake) katika kauli yake, "basi hakuna ubaya wowote juu yenu katika yale wanayozifanyia nafsi zao." Kuna dalili ya kwamba msimamizi amtunze mwanamke na amzuie yale yasiyoruhusiwa kufanywa. Na amlazimishe kufanya yale ambayo ni ya lazima, na kwamba yeye ndiye anayeongeleshwa hayo, na ni wajibu juu yake.