Al-Anfaal
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
إِذْ يُرِيكَهُمُ ٱللَّهُ فِى مَنَامِكَ قَلِيلًا ۖ وَلَوْ أَرَىٰكَهُمْ كَثِيرًا لَّفَشِلْتُمْ وَلَتَنَـٰزَعْتُمْ فِى ٱلْأَمْرِ وَلَـٰكِنَّ ٱللَّهَ سَلَّمَ ۗ إِنَّهُۥ عَلِيمٌۢ بِذَاتِ ٱلصُّدُورِ 43 وَإِذْ يُرِيكُمُوهُمْ إِذِ ٱلْتَقَيْتُمْ فِىٓ أَعْيُنِكُمْ قَلِيلًا وَيُقَلِّلُكُمْ فِىٓ أَعْيُنِهِمْ لِيَقْضِىَ ٱللَّهُ أَمْرًا كَانَ مَفْعُولًا ۗ وَإِلَى ٱللَّهِ تُرْجَعُ ٱلْأُمُورُ 44
{43-44} Na Mwenyezi Mungu alikuwa amemwonyesha Mtume wake washirikina katika ndoto kwamba maadui ni wachache, kwa hivyo akawapa masahaba wake habari hiyo njema, kwa hivyo nyoyo zao zikatulia na zikaimarika. "Na lau angelikuonyesha kuwa ni wengi" na ukawaambia hilo maswahaba wako, "basi mngeliingiwa na woga, na mngelizozana katika jambo hilo.” Baadhi yenu wangeona kwenda kupigana, na baadhi yenu wasingeona hilo. Na kuzozana ni katika yale yanayosababisha kushindwa. "Lakini Mwenyezi Mungu akawapa salama;" yaani, aliwaonea huruma. "Hakika Yeye ni Mwenye kuyajua vyema yaliyo vifuani;" yaani, yale yaliyomo ya uimara, na kutoridhika, na ukweli, na uongo. Kwa hivyo Mwenyezi Mungu alijua kutoka katika nyoyo zenu kile kilichokuja kuwa sababu ya huruma yake na ihsani yake kwenu, na akaisadikisha ndoto ya Mtume wake, kwa hivyo Mwenyezi Mungu anawaonyesha waumini kuwa maadui zao ni wachache katika macho yao, na akawafanya kuwa wachahe, enyi Waumini katika macho yao. Kwa hivyo kila moja ya makundi haya mawili yanawaona wenziwe kuwa ni wachache, ili kila moja yake liliendee lingine kwa ajili ya vita. "Ili Mwenyezi Mungu atimize jambo lililokuwa lifanywe;" la kuwanusuru Waumini, na kuwaangusha makafiri, na kuwaua viongozi wao, vichwa vya upotovu miongoni mwao, na hakuna yeyote aliyebaki miongoni mwao ambaye ana jina la kutajwa. Kwa hivyo ikawa rahisi baada ya hayo kufuata kwao wanapolinganiwa kwenye Uislamu. "Na kwa Mwenyezi Mungu yatarejeshwa mambo yote." Yaani, mambo yote ya viumbe yatarejeshwa kwa Mwenyezi Mungu, kwa hivyo apambanue kiovu kutokana na kizuri, na awahukumu viumbe kwa hukumu yake ya uadilifu ambayo hakandamizi ndani yake wala hadhulumu.