Al-Anfaal
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
إِذْ أَنتُم بِٱلْعُدْوَةِ ٱلدُّنْيَا وَهُم بِٱلْعُدْوَةِ ٱلْقُصْوَىٰ وَٱلرَّكْبُ أَسْفَلَ مِنكُمْ ۚ وَلَوْ تَوَاعَدتُّمْ لَٱخْتَلَفْتُمْ فِى ٱلْمِيعَـٰدِ ۙ وَلَـٰكِن لِّيَقْضِىَ ٱللَّهُ أَمْرًا كَانَ مَفْعُولًا لِّيَهْلِكَ مَنْ هَلَكَ عَنۢ بَيِّنَةٍ وَيَحْيَىٰ مَنْ حَىَّ عَنۢ بَيِّنَةٍ ۗ وَإِنَّ ٱللَّهَ لَسَمِيعٌ عَلِيمٌ 42
{42} "Kumbukeni pale mlipokuwa nyinyi kwenye ng'ambo ya karibu ya bonde;" yaani, kwenye ng’ambo ya bonde iliyo karibu na Madina. Nao walikuwa upande wake wa mbali kutoka Madina, kwa maana mlikusanywa na bonde moja. "Na msafara" mliotoka kwenda kuutafuta, na Mwenyezi Mungu akataka kinginecho "ulipokuwa chini yenu" karibu na pwani ya bahari. "Na ingelikuwa mliagana" nyinyi na wao kwa maelezo haya na katika hali hii, "basi mngelihitalifiana katika miadi." Yaani, hakungekuwa na budi kutangulia, au kuchelewesha, au kuchagua mahali pa kushukia, au mambo mengineyo ambayo yangewatokea nyinyi au wao ambayo yangewazuia na miadi yenu. Lakini Mwenyezi Mungu aliwakusanya pamoja katika hali hii, "ili Mwenyezi Mungu atimize jambo liliokuwa lazima litendwe." Yaani, kilipitishwa katika kitambo sana kwamba ni lazima kitokee. "Ili aangamie wa kuangamia kwa ushahidi ulio wazi" yaani, ili iwe hoja iliyo wazi dhidi ya mkaidi, kwa hivyo anauchagua ukafiri kwa ufahamu, na kwa kuwa na uhakika na ubatili wake, kwa hivyo habakishi udhuru wowote kwa Mwenyezi Mungu. "Na aishi mwenye kuishi kwa ushahidi ulio wazi;" yaani, Muumini aongeze ufahamu na yakini kwa kile ambacho Mwenyezi Mungu aliwaonyesha makundi hayo mawili katika hoja juu ya haki na ushahidi wake, ambayo ni ukumbusho kwa wenye akili. "Na hakika Mwenyezi Mungu ni Mwenye kusikia vyema, Mwenye kujua yote." Anasikia sauti zote pamoja na kutofautiana kwa lugha zote, pamoja na kutofautiana kwa mahitaji. Ni mwenye kujua vyema ya dhahiri, na ya ndani, na yaliyofichikana, na siri, na ghaibu, na yaliyo wazi.