Fussilat
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
إِنَّ ٱلَّذِينَ كَفَرُوا۟ بِٱلذِّكْرِ لَمَّا جَآءَهُمْ ۖ وَإِنَّهُۥ لَكِتَـٰبٌ عَزِيزٌ 41 لَّا يَأْتِيهِ ٱلْبَـٰطِلُ مِنۢ بَيْنِ يَدَيْهِ وَلَا مِنْ خَلْفِهِۦ ۖ تَنزِيلٌ مِّنْ حَكِيمٍ حَمِيدٍ 42
{41 - 42} Kisha Mwenyezi Mungu Mtukufu akasema: "Kwa hakika wale waliokufuru mawaidha haya," yaani, kwa kuikataa Qur-ani Tukufu inayowakumbusha waja juu ya masilahi yao yote ya kidini, ya kidunia, na ya kiakhera, na ambayo inainua juu cheo cha mwenye kuifuata, "yanapowajia" kama neema kutoka kwa Mola wao Mlezi kupitia mkono wa kiumbe bora zaidi na mkamilifu wao zaidi, "na haya bila ya shaka ni Kitabu chenye nguvu na utukufu" ambacho hakuna anayeweza kukipotosha au kukitakia mabaya, na ndiyo maana akasema: "Hautakifikia upotovu kwa mbele yake wala kwa nyuma yake." Yaani, hakuna shetani miongoni mwa mashetani wa kibinadamu au kijini anayeukaribia, si kwa kuiba wala kwa kuingiza humo yasiyokuwemo, wala kwa kuongezea wala kupunguza. Umehifadhiwa katika kuteremshwa kwake, katika lafudhi zake na maana zake. Yule aliyeuteremsha alichukua dhamana ya kuuhifadhi. Kama alivyosema Mwenyezi Mungu Mtukufu: "Hakika Sisi ndio tuliouteremsha Ukumbusho huu, na hakika Sisi ndio tutakaoulinda." "Imeteremshwa na Mwenye hekima" katika uumbaji wake na amri yake, ambaye anakiweka kila kitu mahali pake na kukiteremsha katika daraja lake. "Msifiwa mno" juu ya sifa zake za ukamilifu na utukufu, na uadilifu wake na fadhila mbalimbali. Ndiyo maana kitabu chake kinajumuisha hekima kamillifu na kuwafikishia waja masilahi na manufaa, na kuwazuilia maovu na madhara ambayo kwayo anasifiwa.