Fussilat
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
إِنَّ ٱلَّذِينَ يُلْحِدُونَ فِىٓ ءَايَـٰتِنَا لَا يَخْفَوْنَ عَلَيْنَآ ۗ أَفَمَن يُلْقَىٰ فِى ٱلنَّارِ خَيْرٌ أَم مَّن يَأْتِىٓ ءَامِنًا يَوْمَ ٱلْقِيَـٰمَةِ ۚ ٱعْمَلُوا۟ مَا شِئْتُمْ ۖ إِنَّهُۥ بِمَا تَعْمَلُونَ بَصِيرٌ 40
{40} Kupindukia mipaka katika ishara za Mwenyezi Mungu ni kuziondoka katika usahihi wake kwa njia yoyote ile: ima kwa kuzikataa, kumkadhibisha aliyekuja nazo au kwa kuzipotosha mbali na maana zake za uhakika na kuthibitisha maana ambazo Mwenyezi Mungu Mtukufu hakuzikusudia. Kwa hivyo, Mwenyezi Mungu Mtukufu akamtishia mwenye kupindukia mipaka ndani yake kwamba hafichikani kwake, bali anaijua dhahiri yake na ndani yake, na atamlipa kwa kupindukia kwake huko kwa yale aliyokuwa akiyafanya, na ndiyo maana akasema: "Je, atakayetupwa Motoni" kama vile huyo aliyepindukia katika ishara za Mwenyezi Mungu "ni bora au atakayekuja kwa amani Siku ya Kiyama" mbali na adhabu ya Mwenyezi Mungu, ambaye anastahiki malipo yake mazuri? Inavyojulikana ni kwamba huyu ndiye bora. Haki ilipobainika mbali na batili, na njia kuokoa kutokana na adhabu yake mbali na njia inayoangamiza, akasema: "Tendeni mpendavyo" mkitaka. Ifuateni njia ya unyoofu ifikishayo kwenye radhi ya Mola wenu Mlezi na Pepo yake. Na mkipenda, ifuateni njia ya upotovu inayomkasirisha Mola wenu Mlezi, inayofikisha kwenye nyumba ya mashaka makubwa. "Kwa hakika Yeye anayaona vyema mnayoyatenda" na atakulipeni kulingana na hali zenu na matendo yenu. Kama vile kauli yake Mwenyezi Mungu Mtukufu: "Na sema: 'Hii ni kweli itokayo kwa Mola wako Mlezi. Basi atakaye, na aamini. Na atakaye, na akufuru.'"