التوبة
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
أَلَمْ يَعْلَمُوٓا۟ أَنَّ ٱللَّهَ هُوَ يَقْبَلُ ٱلتَّوْبَةَ عَنْ عِبَادِهِۦ وَيَأْخُذُ ٱلصَّدَقَـٰتِ وَأَنَّ ٱللَّهَ هُوَ ٱلتَّوَّابُ ٱلرَّحِيمُ ١٠٤
{104} Yaani: Je, hawakujua upana wa rehema ya Mwenyezi Mungu na ujumla wa ukarimu Wake, na kwamba Yeye "anakubali toba ya waja wake” wanaotubu kutokana na dhambi yoyote ile? Bali anafurahi Yeye Mtukufu kwa toba ya mja wake anapotubia, furaha kubwa kabisa anayoweza kukadiriwa, "na anazichukua sadaka” kutoka kwao. Yaani, anazikubali na anazichukua kwa kulia kwake, kisha anazikuza kwa ajili ya mmoja wao kama vile mtu anavyomkuza mwana farasi wake, mpaka tende moja inakuwa kama mlima mkubwa. Basi kitakuaje kilicho kikubwa zaidi na kingi zaidi ya hiyo? "Na kwamba Mwenyezi Mungu ni Mwingi wa kukubali toba, Mwenye kurehemu sana?” Yaani, Mwingi wa kukubali toba kwa wale wanaotubu. Kwa hivyo, mwenye kutubia kwake, anamkubalia toba, hata kama maasia yake yatajirudia mara nyingi, na Mwenyezi Mungu hachoki kukubali toba ya waja wake mpaka wao wachoke, na wakatae isipokuwa kukimbia, na kuwa mbali na mlango wake, na kufanya urafiki wendani na adui yao. “Mwenye kurehemu sana” ambaye Rehema yake imekienea kila kitu, na ameiandikia wale wanaomcha, na wakatoa Zaka, na wanaziamini Ishara zake, na wanamfuata Mtume wake.