الأنفال
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
إِنَّ ٱلَّذِينَ ءَامَنُوا۟ وَهَاجَرُوا۟ وَجَـٰهَدُوا۟ بِأَمْوَٰلِهِمْ وَأَنفُسِهِمْ فِى سَبِيلِ ٱللَّهِ وَٱلَّذِينَ ءَاوَوا۟ وَّنَصَرُوٓا۟ أُو۟لَـٰٓئِكَ بَعْضُهُمْ أَوْلِيَآءُ بَعْضٍ ۚ وَٱلَّذِينَ ءَامَنُوا۟ وَلَمْ يُهَاجِرُوا۟ مَا لَكُم مِّن وَلَـٰيَتِهِم مِّن شَىْءٍ حَتَّىٰ يُهَاجِرُوا۟ ۚ وَإِنِ ٱسْتَنصَرُوكُمْ فِى ٱلدِّينِ فَعَلَيْكُمُ ٱلنَّصْرُ إِلَّا عَلَىٰ قَوْمٍۭ بَيْنَكُمْ وَبَيْنَهُم مِّيثَـٰقٌ ۗ وَٱللَّهُ بِمَا تَعْمَلُونَ بَصِيرٌ ٧٢
{72} Huu ni mkataba wa urafiki wa ulinzi na upendo aliouhitimisha Mwenyezi Mungu kati ya Muhajirina (wahamiaji) ambao waliamini na kuhama katika njia ya Mwenyezi Mungu, na wakaacha miji yao kwa ajili ya Mwenyezi Mungu kwa ajili ya Jihadi katika njia ya Mwenyezi Mungu na kati ya Ansari ambao walimhifadhi Mtume wa Mwenyezi Mungu rehema na amani za Mwenyezi Mungu ziwe juu yake na masahaba zake, na wakawasaidia katika makazi yao, na mali zao, na nafsi zao. Basi hawa wenyewe kwa wenyewe ni marafiki na walinzi, kwa sababu ya ukamilifu wa imani yao, na utimilifu wa muungano kati yao wenyewe kwa wenyewe. "Na wale walioamini lakini hawakuhama, nyinyi hamna wajibu wa ulinzi kwao hata kidogo mpaka wahame." Kwa maana walikata urafiki na ulinzi kwenu kwa kujitenga kwao nanyi katika wakati wa haja kubwa ya wanaume. Basi pindi hawakuhama, hawakuwa na kitu chochote katika urafiki na ulinzi wa Waumini. Lakini "wakiomba msaada kwenu katika Dini;" yaani kwa ajili ya kupigana vita na wale waliopigana nao [kwa ajili ya dini yao]; "basi ni juu yenu kuwasaidia" na kupigana vita pamoja nao. Na ama wale waliopigana nao kwa madhumuni mengineyo yasiyokuwa hilo, basi si juu yenu kuwasaidia. Na kauli yake Yeye Mtukufu, "isipokuwa juu ya kaumu ambao lipo agano baina yenu na wao" yaani, agano la kuacha vita. Basi hao ikiwa Waumini wanaotambulika ambao hawakuhama watataka kupigana nao, basi msiwasaidie dhidi yao, kwa sababu ya kile kilicho kati yenu na wao cha agano. "Na Mwenyezi Mungu anayaona vyema yale mnayoyatenda." Anajua hali mlizo nazo, ndiyo maana anawawekea sheria ya hukumu mbalimbali zinazowafailia nyinyi.