الفتح

هُمُ ٱلَّذِينَ كَفَرُوا۟ وَصَدُّوكُمْ عَنِ ٱلْمَسْجِدِ ٱلْحَرَامِ وَٱلْهَدْىَ مَعْكُوفًا أَن يَبْلُغَ مَحِلَّهُۥ ۚ وَلَوْلَا رِجَالٌ مُّؤْمِنُونَ وَنِسَآءٌ مُّؤْمِنَـٰتٌ لَّمْ تَعْلَمُوهُمْ أَن تَطَـُٔوهُمْ فَتُصِيبَكُم مِّنْهُم مَّعَرَّةٌۢ بِغَيْرِ عِلْمٍ ۖ لِّيُدْخِلَ ٱللَّهُ فِى رَحْمَتِهِۦ مَن يَشَآءُ ۚ لَوْ تَزَيَّلُوا۟ لَعَذَّبْنَا ٱلَّذِينَ كَفَرُوا۟ مِنْهُمْ عَذَابًا أَلِيمًا ٢٥

{25} Kisha Mwenyezi Mungu Mtukufu akataja mambo yanayochochea kupigana dhidi ya washirikina, ambayo ni kumkufuru kwao Mwenyezi Mungu na Mtume wake, na kumzuilia kwao Mtume wa Mwenyezi Mungu na Waumini walio pamoja naye kuingia kwenye Nyumba tukufu wakiwa ni wageni na kwa ajili ya kuipa taadhima kwa kuhiji na kufanya Umra, na hao hao pia ndio waliowazuilia ''dhabihu kufika mahala pao" pa kuchinjiwa huko Makka, kwa njia ya dhuluma na uadui. Yote hayo ni mambo ambayo yanasababisha na kuwahimiza watu kupigana vita nao, lakini kuna kikwazo, ambacho ni kuwepo wanaume na wanawake waumini miongoni mwa washirikina, na wao hawakujitenga mbali nao katika sehemu ambayo hawawezi kutowadhuru. Lau si hawa Waumini wanaume na Waumini wanawake ambao Waislamu hawawajui kwa kuwa ilihofiwa huenda ''mkawasaga na mkaingia makosani kutokana nao bila ya kujua." Na pia katika hilo kuna faida ya kiakhera, ambayo amuingize "amtakaye katika rehema yake.'' Ili awatajie neema yake ya kuwapa imani baada ya kuwa kwao makafiri, na uwongofu baada ya upotofu, na hivyo akawazuilia kupigana vita nao kwa sababu hizo. ''Lau wangelitengana'' wakawa mbali na washirikina hao ''bila ya shaka tungeliwaadhibu wale waliokufuru miongoni mwao kwa adhabu chungu," kwa kuwaruhusu kupigana vita nao, na kuwanusuru dhidi yao.