البقرة

ٱللَّهُ وَلِىُّ ٱلَّذِينَ ءَامَنُوا۟ يُخْرِجُهُم مِّنَ ٱلظُّلُمَـٰتِ إِلَى ٱلنُّورِ ۖ وَٱلَّذِينَ كَفَرُوٓا۟ أَوْلِيَآؤُهُمُ ٱلطَّـٰغُوتُ يُخْرِجُونَهُم مِّنَ ٱلنُّورِ إِلَى ٱلظُّلُمَـٰتِ ۗ أُو۟لَـٰٓئِكَ أَصْحَـٰبُ ٱلنَّارِ ۖ هُمْ فِيهَا خَـٰلِدُونَ ٢٥٧

{257} Aya hii inafuata Aya iliyotangulia, kwa hivyo iliyo tangulizi ndiyo msingi, na hii ndiyo matunda. Basi Mola Mtukufu akajulisha kwamba wale waliomwamini Mwenyezi Mungu na wakasadikisha imani yao kwa kutekeleza wajibu wa imani na kuacha kila kinachopingana nayo. Kwamba Yeye ndiye Mlinzi wao anayewasimamia kusimamia kwake maalumu, na anayasimamia malezi yao. Kwa hivyo, huwatoa katika giza mbalimbali la ujinga na ukafiri na maasia na kughafilika na kupeana mgongo hadi katika nuru ya elimu, na yakini, na imani, na utiifu, na kumwelekea Mola wa Mlezi kikamilifu. Na anaziangaza nyoyo zao kwa yale anayoyatia ndani yake ya nuru ya Wahyi na imani. Na anawasahilishia yawe mepesi, na anawaepushia ugumu. Na ama wale waliokufuru, wao walipomfanya asiyekuwa mlinzi wao kuwa rafiki yao, Mwenyezi Mungu aliwaachia wale walichojifanyia wenyewe kuwa rafiki yao. Na akaacha kuwasaidia, na akawakabidhi katika uangalizi wa wale waliowafanya kuwa rafiki miongoni mwa wale wasiofaidi wala kudhuru. Wakawafanya kuwa wapotovu, na wakawanyima uongofu wa elimu yenye manufaa na matendo mema, na wakawanyima furaha, na Moto ukawa ndio makazi yao, watakaa humo milele. Ewe Mwenyezi Mungu, kuwa mlinzi wetu katika wale unaowalinda.