At-Tawba
Kani waa tarjumaad tafsiirka as-Saʿdī sida IslamHouse.com ugu daabacdo saadi.islamenc.com, oo laga akhriyay bogagga goobtaas. Goobtu ma sheegayso cidda tarjuntay ama daabacaadda la daabacay ee ay raacayso, mana sheegayso shuruudo qaadashada qoraalkeeda ah, sidaas darteed xaqa muujinteeda lama xaqiijin. Qofna ma barbardhigin buug la daabacay, aqoonyahanna ma dib u eegin. Qayb kasta waxay ag taagan tahay aayadaha ay ka hadlayso, kuwaas oo ah qoraalka Quraanka ee Tanzil, sida uu ugu yaal halkaas; aayad goobtu aanay faallo u gaar ah ka bixin waxay la taagan tahay qaybta ka horraysa, tusmaduna waxay magacaabaysaa aayad kasta oo caynkaas ah. Sabīl wax ka mid ah ma qorin, mana tarjumin.
Qoraalka waxaa laga helaysaadi.islamenc.comIslamHouse.comnone stated (the site names no licence and no terms for taking its text)la qaaday 2026-10-22
يَـٰٓأَيُّهَا ٱلَّذِينَ ءَامَنُوا۟ مَا لَكُمْ إِذَا قِيلَ لَكُمُ ٱنفِرُوا۟ فِى سَبِيلِ ٱللَّهِ ٱثَّاقَلْتُمْ إِلَى ٱلْأَرْضِ ۚ أَرَضِيتُم بِٱلْحَيَوٰةِ ٱلدُّنْيَا مِنَ ٱلْـَٔاخِرَةِ ۚ فَمَا مَتَـٰعُ ٱلْحَيَوٰةِ ٱلدُّنْيَا فِى ٱلْـَٔاخِرَةِ إِلَّا قَلِيلٌ 38
Kisha Yeye Mtukufu akasema:
{38} Jua ya kwamba sehemu nyingi za Sura hii tukufu ziliteremka kuhusiana na Vita vya Tabuk, wakati Nabii -rehema na amani za Mwenyezi Mungu ziwe juu yake - alipowaita Waislamu waende kupigana na Warumi, na wakati huo ulikuwa wa joto, na chakula cha safarini kilikuwa kichache, na maisha yalikuwa magumu. Kwa hivyo, baadhi ya Waislamu wakapatwa na uzito ambao ulisababisha Mwenyezi Mungu Mtukufu kuwalaumu juu ya hilo na kuwahimiza wanyanyuke. Kwa hivyo akasema Yeye Mtukufu: "Enyi mlioamini:" Je, hamtendi kwa matakwa ya imani na mahitaji ya yakini kama vile kuiendea haraka amri ya Mwenyezi Mungu, na kukimbilia kumridhisha, na kufanya jihadi dhidi ya maadui zake, na kuinusuru dini yenu? Basi "Mna nini mnapoambiwa: Nendeni katika Njia ya Mwenyezi Mungu, mnajitia uzito katika ardhi?" Yaani mnakuwa wavivu na mnageuka kuelekea katika ardhi na starehe, na utulivu humo. "Je, mmeridhia maisha ya dunia kuliko ya Akhera?" Yaani, hali yenu siyo isipokuwa ni kama hali ya yule aliyetosheka na dunia hii na akaifanyia juhudi na kutojali akhera. Na ni kana kwamba hakuiamini. "Lakini starehe za maisha ya dunia kulinganisha na Akhera" ambazo ziliwageuza na mkazitanguliza mbele ya Akhera "isipokuwa chache." Je, Mwenyezi Mungu hakuwapa akili mnazoweza kupima nazo mambo? Ni kwamba ni yapi yake yanastahiki zaidi kupendelewa? Je, si dunia hii tangu mwanzo wake hadi mwisho wake haina ulinganisho wowote katika Akhera? Na ni kipimo gani cha umri wa mtu kilicho kifupi sana katika dunia hii ambacho anakifanya kuwa ndilo lengo ambalo hakuna lengo lingine zaidi yake, ndiyo afanye juhudi zake, na taabu zake, na wasiwasi wake, na kutaka kwake, hazidi maisha haya mafupi ya dunia hii, yaliyojaa shida na yaliyobeba hatari nyingi? Basi je, ni kwa maoni gani mliona kuipendelea kuliko Nyumba ya Akhera, inayokusanya kila neema, ambayo ndani yake kuna yale yanayotamaniwa na nafsi, na macho yanayafurahia, na nyinyi mtadumu humo? Basi ninaapa kwa Mwenyezi Mungu kwamba haipendelei dunia kuliko akhera yule ambaye imani iliingia ndani ya moyo wake, wala ambaye maoni yake ni mazuri, wala mwenye kuhesabiwa kuwa miongoni mwa wenye akili.