Al-Baqara
Kani waa tarjumaad tafsiirka as-Saʿdī sida IslamHouse.com ugu daabacdo saadi.islamenc.com, oo laga akhriyay bogagga goobtaas. Goobtu ma sheegayso cidda tarjuntay ama daabacaadda la daabacay ee ay raacayso, mana sheegayso shuruudo qaadashada qoraalkeeda ah, sidaas darteed xaqa muujinteeda lama xaqiijin. Qofna ma barbardhigin buug la daabacay, aqoonyahanna ma dib u eegin. Qayb kasta waxay ag taagan tahay aayadaha ay ka hadlayso, kuwaas oo ah qoraalka Quraanka ee Tanzil, sida uu ugu yaal halkaas; aayad goobtu aanay faallo u gaar ah ka bixin waxay la taagan tahay qaybta ka horraysa, tusmaduna waxay magacaabaysaa aayad kasta oo caynkaas ah. Sabīl wax ka mid ah ma qorin, mana tarjumin.
Qoraalka waxaa laga helaysaadi.islamenc.comIslamHouse.comnone stated (the site names no licence and no terms for taking its text)la qaaday 2026-10-22
يُؤْتِى ٱلْحِكْمَةَ مَن يَشَآءُ ۚ وَمَن يُؤْتَ ٱلْحِكْمَةَ فَقَدْ أُوتِىَ خَيْرًا كَثِيرًا ۗ وَمَا يَذَّكَّرُ إِلَّآ أُو۟لُوا۟ ٱلْأَلْبَـٰبِ 269
{269} Alipotaja hali za watoao mali, na kwamba Mwenyezi Mungu aliwapa na akawaneemesha na mali ambazo wanazitoa katika njia za heri. Na wanapata kwazo daraja tukufu, akataja kilicho bora kuliko hayo. Nacho ni kwamba yeye humpa hekima amtakaye katika waja wake, na anayewatakia heri katika viumbe vyake. Na hekima ni elimu zenye manufaa, na maarifa sahihi, na akili zilizonyooka, na uelewa timamu, na kufikia usahihi wa maneno na vitendo. Na hiki ndicho kipawa bora zaidi na zawadi kubwa zaidi. Na ndiyo maana akasema: "Na mwenye kupewa hekima, basi bila ya shaka amepewa heri nyingi." Kwa sababu, alitoka kwenye giza la ujinga hadi kwenye nuru ya uwongofu. Na kutoka katika upumbavu wa kupotoka katika maneno na vitendo hadi kufikia usahihi katika hayo, na kupata kunyooka. Na kwa sababu aliikamilisha nafsi yake kwa heri hii kubwa, na akajitayarisha kuwanufaisha viumbe manufaa makubwa zaidi katika dini yao na dunia yao. Na mambo yote hayawi mazuri isipokuwa kwa hekima ambayo ni kuweka vitu mahali pake, na kuteremsha vitu katika daraja zake. Na kwenda mbele katika pahali pa kwenda mbele, na kurudi nyuma katika pahali pa kurudi nyuma. Lakini halikumbuki jambo hili kubwa, na hajui thamani ya kipawa hiki kikubwa, "isipokuwa wenye ufahamu." Na wao ni wale wenye akili ya kutosha na busara kamilifu. Hao ndio wanaojua chenye manufaa na kwa hivyo wanakifanya. Na chenye madhara, kwa hivyo wanakiacha. Na mambo haya mawili ambayo ni kutoa matumizi ya kimali kwa wingi, na kutoa hekima ya kielimu kwa wingi, ndiyo bora zaidi cha vile wanavyojikurubisha kwavyo wale wanaojikurubisha kwa Mwenyezi Mungu. Na ndiyo ya juu zaidi waliyoyafika kwayo utukufu mkubwa. Na ndiyo mawili aliyoyataja Nabii rehema na amani za Mwenyezi Mungu ziwe juu yake kwa kauli yake. “Hapana husuda isipokuwa katika mambo mawili: Mtu ambaye Mwenyezi Mungu alimpa mali, basi akampa mamlaka juu ya kuitumia katika haki. Na mtu ambaye Mwenyezi Mungu alimpa hekima, kwa hivyo huifundisha kwa watu.