At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أَلَمْ يَعْلَمُوٓا۟ أَنَّ ٱللَّهَ يَعْلَمُ سِرَّهُمْ وَنَجْوَىٰهُمْ وَأَنَّ ٱللَّهَ عَلَّـٰمُ ٱلْغُيُوبِ 78
{78} Na ndiyo maana akamuahidi adhabu yule aliyefanya miongoni mwao kitendo hiki, kwa kauli yake, "Je, hawajui kwamba Mwenyezi Mungu anajua siri zao na minong'ono yao, na kwamba Mwenyezi Mungu ni Mwenye kuyajua sana ya ghaibu?" Na atawalipa kwa matendo waliyoyafanya ambayo Mwenyezi Mungu anayajua. Na Aya hizi ziliteremka kuhusiana na mwanamume mmoja miongoni mwa wanafiki aliyeitwa Tha'labah. Alimjia Nabii - rehema na amani za Mwenyezi Mungu zimfikie - na akamuomba amuombee kwa Mwenyezi Mungu ili Mwenyezi Mungu ampe katika fadhila yake, na kwamba ikiwa atampa, bila shaka atatoa sadaka, na kuunga jamaa, na kusaidia katika kukabiliana na misiba ya haki. Basi Nabii -rehema na amani za Mwenyezi Mungu zimfikie - akamuombea, kwa hivyo akawa na kondoo, na hawakuacha kuongezeka mpaka akatoka nao nje ya Madina. Kwa hivyo akawa haji isipokuwa katika baadhi ya Swala tano tu. Kisha akaenda mbali, na akawa haji isipokuwa katika Swala ya Ijumaa tu. Kisha wakawa wengi, basi akawapeleka mbali, kwa hivyo akawa haji si katika Swalah ya Ijumaa wala Swala ya jamaa. Kwa hivyo, Nabii - rehema na amani za Mwenyezi Mungu zimfikie - akamkosa, na akajulishwa hali yake. Basi akatuma wenye kuchukua sadaka kutoka kwa wenyewe, na wakapita karibu na Tha'labah, akasema. “Hawa si chochote isipokuwa ni jizyah. Hawa si chochote isipokuwa dada wa jizyah." Basi pindi hakuwapa, wakaja na wakamjulisha Nabii – rehema na amani ziwe juu yake – juu ya hili, naye akasema, “Ole wake Tha'laba. Ole wake Tha'laba!" Mara tatu. Kwa hivyo, aya hii ilipoteremka kumhusu yeye na mfano wake, baadhi ya jamaa zake wakamwendea nayo, na wakaifikisha kwake. Basi akaja na zaka yake, lakini Nabii - rehema na amani zimshukie - hakuikubali. Kisha akaja nayo kwa Abu Bakr baada ya kufariki kwa Nabii - rehema na amani za Mwenyezi Mungu ziwe juu yake - lakini hakuikubali. Kisha akaja nayo baada ya Abu Bakr kwa Umar, naye hakuikubali. Basi inasemwa kwamba aliangamia wakati wa uongozi wa Uthman.