At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
فَإِذَا ٱنسَلَخَ ٱلْأَشْهُرُ ٱلْحُرُمُ فَٱقْتُلُوا۟ ٱلْمُشْرِكِينَ حَيْثُ وَجَدتُّمُوهُمْ وَخُذُوهُمْ وَٱحْصُرُوهُمْ وَٱقْعُدُوا۟ لَهُمْ كُلَّ مَرْصَدٍ ۚ فَإِن تَابُوا۟ وَأَقَامُوا۟ ٱلصَّلَوٰةَ وَءَاتَوُا۟ ٱلزَّكَوٰةَ فَخَلُّوا۟ سَبِيلَهُمْ ۚ إِنَّ ٱللَّهَ غَفُورٌ رَّحِيمٌ 5
{5} Yeye Mtukufu anasema: "Na ikiisha miezi mitukufu;" yaani, ambayo ni haramu kupigana na washirikina ndani yake walioingia katika agano na waislamu. Nayo ni ile miezi minne ya kutembea, na kutimiza muda kamili kwa yule ambaye ana kipindi cha zaidi ya hicho, basi dhima juu yao itakuwa imeshajitoa. "Basi waueni washirikina popote muwakutapo" katika pahali popote na wakati wowote. "Na wachukueni" kama mateka "na wazingireni" yaani, wafanyieni ugumu, wala msiwaache wawe na ukunjufu katika nchi ya Mwenyezi Mungu na ardhi yake ambayo Mwenyezi Mungu aliwafanyia waja wake kuwa pahali pa ibada. Kwani hawa hawastahili kukaa hapo, wala hawastahiki inchi moja yake. Kwa sababu ardhi ni ardhi ya Mwenyezi Mungu, na wao ni maadui zake wanaomkataa Yeye na Mitume Wake, wanaopigana, ambao wanataka ardhi isiwe na dini yake, na Mwenyezi Mungu anakataa isipokuwa tu kwamba aitimize nuru yake, hata kama makafiri watachukia. "Na wavizieni katika kila njia;" yaani, kila njia ya kati ya milima na mahali wanapopita, na kuweni macho katika kufanya jihadi dhidi yao, na jitahidini sana muwezavyo katika hilo, na msiache kuendelea kuwa katika jambo hili mpaka watubu kutoka katika shirki yao. Na ndiyo sababu akasema: "Lakini wakitubu" kutoka katika ushirikina wao, "na wakasimamisha sala;" yaani, wakaitekeleza kwa haki zake, "na wakatoa Zaka" wakawapa wanaoistahiki; "waachilie njia yao;" yaani waacheni, na ili wawe mfano wenu, wana kile mlicho nacho, na ni juu yao kile kilicho juu yenu. "Hakika Mwenyezi Mungu ni Mwenye kusitiri dhambi, Mwenye kurehemu." Anaisitiri dhambi ya shirki na kilicho chini yake kwa wenye kutubia, na anawarehemu kwa kuwawezesha kutubia, kisha kuikubali kutoka kwao. Na katika Aya hii Kuna ushahidi kwamba yeyote anayekataa kusali au kutoa zaka, basi atapigwa mpaka aitekeleze, kama alivyotumia hilo Abu Bakr as-Siddiq Mwenyezi Mungu amridhie kama ushahidi.