At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أَجَعَلْتُمْ سِقَايَةَ ٱلْحَآجِّ وَعِمَارَةَ ٱلْمَسْجِدِ ٱلْحَرَامِ كَمَنْ ءَامَنَ بِٱللَّهِ وَٱلْيَوْمِ ٱلْـَٔاخِرِ وَجَـٰهَدَ فِى سَبِيلِ ٱللَّهِ ۚ لَا يَسْتَوُۥنَ عِندَ ٱللَّهِ ۗ وَٱللَّهُ لَا يَهْدِى ٱلْقَوْمَ ٱلظَّـٰلِمِينَ 19
{19} Wakati baadhi ya Waislamu au baadhi ya Waislamu na baadhi ya washirikina walipotofautiana katika kupendelea kuuimarisha Msikiti Mtakatifu kwa kuujenga, na kusali, na kufanya ibada ndani yake, na kuwanywesha maji mahujaji kuliko kumwamini Mwenyezi Mungu na kufanya jihadi katika njia Yake, Mwenyezi Mungu Mtukufu akajulisha tofauti iliyo kati yao. Kwa hivyo akasema: "Je, mnafanya kuwanywesha maji Mahujaji;" yaani, kuwanywesha maji kutoka Zamzam, kama inavyojulikana kama jina hili linapotumiwa bila ya kufungiwa kwamba hilo ndilo linalokusudiwa, "na kuimarisha Msikiti Mtakatifu ni sawa na mwenye kumwamini Mwenyezi Mungu, na Siku ya Mwisho, na akafanya Jihadi katika Njia ya Mwenyezi Mungu? Hawawi sawa kwa Mwenyezi Mungu." Kwa hivyo kufanya Jihadi na kumwamini Mwenyezi Mungu ni bora zaidi kuliko kuwanywesha maji mahujaji na kuuimarisha Msikiti Mtakatifu kwa daraja nyingi. Kwa maana, imani ndio msingi wa Dini, na kwayo ndiyo matendo yanakubaliwa na sifa zinatakasika. Na ama kufanya jihadi katika njia ya Mwenyezi Mungu, basi ndiyo kilele cha nundu ya Dini, [ambayo] kwayo dini ya Kiislamu huhifadhi na kupanuliwa, na inanusuriwa haki, na inaangushwa batili. Na ama kuuimarisha Msikiti Mtukufu na kuwanywesha maji mahujaji, basi hayo hata kama ni matendo mema, hayo yanategemea imani, na hayana masilahi kama yaliyo katika imani na kufanya jihadi. Na ndiyo maana akasema, "Hawawi sawa kwa Mwenyezi Mungu. Na Mwenyezi Mungu hawaongoi kaumu dhalimu." Yaani, wale ambao sifa yao ni dhuluma, ambao hakiwafailii kukubali kitu chochote cha wema, bali haiwafailii isipokuwa uovu tu.