At-Tawba
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَٱلَّذِينَ ٱتَّخَذُوا۟ مَسْجِدًا ضِرَارًا وَكُفْرًا وَتَفْرِيقًۢا بَيْنَ ٱلْمُؤْمِنِينَ وَإِرْصَادًا لِّمَنْ حَارَبَ ٱللَّهَ وَرَسُولَهُۥ مِن قَبْلُ ۚ وَلَيَحْلِفُنَّ إِنْ أَرَدْنَآ إِلَّا ٱلْحُسْنَىٰ ۖ وَٱللَّهُ يَشْهَدُ إِنَّهُمْ لَكَـٰذِبُونَ 107
{107} Kulikuwa na watu fulani miongoni mwa wanafiki katika watu wa Quba ambao walijijengea msikiti karibu na Msikiti wa Quba kwa nia ya kuleta madhara na fitina baina ya waumini, na wanautayarisha kwa ajili ya wale wanaoutarajia miongoni mwa wale wanaopigana na Mwenyezi Mungu na Mtume Wake, ili uwe ngome kwao wanapoihitaji. Basi Yeye Mtukufu akabainisha hizaya yao, na akaidhihirisha siri yao hiyo, kwa hivyo akasema: "Na wapo waliojenga msikiti kwa ajili ya madhara;” yaani, kwa ajili ya kuwadhuru Waumini na Msikiti wao ambao wanakusanyika ndani yake, "na ukafiri." Yaani, lengo lao katika hilo ni kufuru ikiwa wengine wanataka kuamini, "na kuwafarikisha Waumini.” Yaani, ili wagawanyike, na watengane, na watofautiane, "na pa kuvizia;” yaani, kuwaandalia "wale waliompiga vita Mwenyezi Mungu na Mtume wake hapo kabla.” Yaani kwa ajili ya kuwasaidia wale wanaopigana na Mwenyezi Mungu na Mtume Wake, wale ambao waliwahi kupigana naye, na uadui wao ukazidi, kama vile Abu Amir Ar-Rahib, ambaye alikuwa miongoni mwa watu wa Madina, na Nabii - rehema na amani za Mwenyezi Mungu zimshukie - alipokuja Madina, naye akahamia Madina, akamkufuru Nabii, na alikuwa ni mwingi wa kuabudu katika zama za Ujinga (kabla ya Uislamu). Kwa hivyo akawaendea washirikina ili kuwaomba msaada katika kupigana na Mtume wa Mwenyezi Mungu – rehema na amani ziwe juu yake. – Pindi alipokosa alichokuwa anakitaka kutoka kwao, akamwendea Kaisari akidhani kuwa atamsaidia, lakini yeye aliyelaaniwa akaangamia njiani, na yeye na wanafiki walikuwa kwenye ahadi na kusaidiana. Na kilikuwa katika yale waliyomwandalia ni Msikiti wa madhara, lakini ufunuo ukataremka na hilo. Kwa hivyo, Nabii - rehema na amani zimshukie - akautumia wa kuubomoa na kuuchoma moto. Kwa hivyo, ukabomolewa na ukachomwa moto, na baada ya hapo ukawa mahali pa kutupa takataka. Yeye Mtukufu akasema baada ya kubainisha miongoni mwa nia zao potovu kuhusiana na msikiti huo: "Na bila ya shaka wataapa kwamba: Hatukukusudia” katika kuujenga "isipokuwa uzuri tu." Yaani, kuwafanyia ihsani wanyonge, na wale wasiojiweza, na vipofu. "Na Mwenyezi Mungu anashuhudia kuwa wao hakika ni waongo.” Basi ushahidi wa Mwenyezi Mungu dhidi yao ni wa kweli zaidi kuliko viapo vyao hivyo.