Al-Anfaal
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَإِن يُرِيدُوٓا۟ أَن يَخْدَعُوكَ فَإِنَّ حَسْبَكَ ٱللَّهُ ۚ هُوَ ٱلَّذِىٓ أَيَّدَكَ بِنَصْرِهِۦ وَبِٱلْمُؤْمِنِينَ 62 وَأَلَّفَ بَيْنَ قُلُوبِهِمْ ۚ لَوْ أَنفَقْتَ مَا فِى ٱلْأَرْضِ جَمِيعًا مَّآ أَلَّفْتَ بَيْنَ قُلُوبِهِمْ وَلَـٰكِنَّ ٱللَّهَ أَلَّفَ بَيْنَهُمْ ۚ إِنَّهُۥ عَزِيزٌ حَكِيمٌ 63
Na haihofiwi katika amani isipokuwa sifa moja, nayo ni kwamba wawe makafiri makusudio yao katika hilo ni kuwahadaa Waislamu na kuchukua fursa dhidi yao. Kwa hivyo, Mwenyezi Mungu akawaambia kwamba atawatoshelezea hadaa yao, na kwamba hilo litawarudia wao madhara yake. Kwa hivyo, akasema: "Na wakitaka kukufanyia hiana, basi hakika Mwenyezi Mungu atakutoshelezea.” Yaani, atakutosheleza yenye kukudhuru, naye ndiye anayeyasimamia masilahi yako na mambo yako. Kwani tayari ilikwisha tangulia katika kukutosheleza kwake na kukunusuru kwake ambayo kwayo moyo wako utatulia. Kwa maana Yeye “ndiye aliyekuunga mkono kwa nusura yake, na kwa Waumini;” yaani, aliwasaidia kwa msaada wa kimbinguni. Nao ni nusura kutoka kwake ambayo haipingwi na chochote, na msaada wa Waumini kwamba aliwaweka ili wakunusuru; “Na akaziunga pamoja nyoyo zao.” Basi wakakusanyika, na wakaungana, na nguvu zao zikaongezeka kwa sababu ya kukusanyika kwao. Na hili halikuwa kwa juhudi ya yeyote, wala kwa nguvu nyingine isiyokuwa nguvu ya Mwenyezi Mungu. Na lau “wewe ungelitoa vyote vilivyo katika dunia” vya dhahabu, na fedha na vinginevyo ili kuwaunganisha pamoja baada ya kujitenga mbali huko, na kugawanyika kukubwa huko, "usingeliweza kuziunga pamoja nyoyo zao;” kwa sababu hawezi kuzigeuza nyoyo isipokuwa mwenyezi Mungu Mtukufu. "Lakini Mwenyezi Mungu ndiye aliyewaunganisha. Hakika Yeye ndiye Mwenye nguvu, Mwenye hekima kubwa.” Na katika nguvu zake ni kwamba aliziunga pamoja nyoyo zao, na akawakusanya baada ya mgawanyiko, kama alivyosema Yeye Mtukufu, “Na kumbukeni neema ya Mwenyezi Mungu juu yenu, wakati mlipokuwa maadui nyinyi kwa nyinyi, naye akaziunganisha pamoja nyoyo zenu, basi kwa neema yake mkawa ndugu. Na mlikuwa ukingoni mwa shimo la Moto, naye akawaokoa kutokana nalo.”