Al-Anfaal
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
يَسْـَٔلُونَكَ عَنِ ٱلْأَنفَالِ ۖ قُلِ ٱلْأَنفَالُ لِلَّهِ وَٱلرَّسُولِ ۖ فَٱتَّقُوا۟ ٱللَّهَ وَأَصْلِحُوا۟ ذَاتَ بَيْنِكُمْ ۖ وَأَطِيعُوا۟ ٱللَّهَ وَرَسُولَهُۥٓ إِن كُنتُم مُّؤْمِنِينَ 1
{1} Al-Anfal ni ngawira ambazo Mwenyezi Mungu anawapa umma huu kutoka katika mali za makafiri. Na Aya hizi katika Sura hii zilikuwa zimeteremka kuhusiana na kisa cha Badr, ngawira kubwa ya kwanza waliyoiteka Waislamu kutoka kwa washirikina. Basi kukatokea mzozo baina ya baadhi ya Waislamu juu ya jambo hilo, kwa hivyo wakamwomba Mtume wa Mwenyezi Mungu – rehema na amani ziwe juu yake; - juu yake. Basi Mwenyezi Mungu akateremsha: "Wanakuuliza juu ya Ngawira." inagawanywa vipi? Na inagawanyiwa nani? "Sema" uwaambie ngawira ni za Mwenyezi Mungu na mtume wake, wanaziweka pale wanapotaka. Basi nyinyi hamna kipingamizi juu ya hukumu ya Mwenyezi Mungu na Mtume wake. Bali ni juu yenu anapohukumu Mwenyezi Mungu na Mtume wake kwamba mridhike na hukumu yao na muwasalimishie jambo hilo. Na hayo yanaingia katika kauli yake: "Basi mcheni Mwenyezi Mungu" kwa kutekeleza amri zake na kujiepusha na makatazo yake; "Na suluhisheni mambo baina yenu." Yaani patanisheni ugomvi na kutengana kuliko kati yenu, na kupeana mgongo kwa kupendana, na kuungana. Na kwa hayo, neno lenu litakusanyika pamoja, na yataisha yale yanayotokea kwa sababu ya kutengana miongoni mwa ugomvi, na migogoro, na kuzozana. Na inaingia katika kusuluhisha kati ya watu kuwafanyia tabia kuwa nzuri, na kuwasamehe wanaowakosea miongoni mwao. Kwa maana kwa kufanya hivyo, yanaondoka mengi yanayokuwa katika moyo ya chuki na kupeana migongo. Na jambo linalojumlisha hayo yote ni kauli yake: "Na mtiini Mwenyezi Mungu na Mtume wake ikiwa nyinyi ni Waumini." Kwa maana imani inaitia kumtii Mwenyezi Mungu na Mtume Wake. Kama vile asiyemtii Mwenyezi Mungu na Mtume wake si Muumini; na mwenye utii mpungufu kwa Mwenyezi Mungu na Mtume wake, basi hilo ni kutokana na upungufu wa imani yake.