Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
إِنَّ ٱللَّهَ فَالِقُ ٱلْحَبِّ وَٱلنَّوَىٰ ۖ يُخْرِجُ ٱلْحَىَّ مِنَ ٱلْمَيِّتِ وَمُخْرِجُ ٱلْمَيِّتِ مِنَ ٱلْحَىِّ ۚ ذَٰلِكُمُ ٱللَّهُ ۖ فَأَنَّىٰ تُؤْفَكُونَ 95
{95} Yeye Mtukufu anajulisha kuhusu ukamilifu Wake, na ukubwa wa mamlaka Yake, na nguvu ya uwezo Wake, na upana wa rehema Yake, na ujumla wa ukarimu Wake, na ukubwa wa utunzaji Wake kwa viumbe Vyake. Akasema, "Hakika Mwenyezi Mungu ndiye mpasuaji nafaka," hili linajumuisha nafaka zote ambazo watu huzipanda, na zile ambazo hawazipandi. Kama vile zile nafaka ambazo Mwenyezi Mungu huzitawanya katika nyika na porini, kisha anapasua nafaka kutokana na mazao na mimea ya kila aina zake, sura zake, na manufaa yake. Na hupasua mbegu kutoka katika miti kame vile mitende, na matunda na isiyokuwa hiyo. Kwa hivyo, wananufaika wanadamu, na mifugo, na wanyama, na wanakula katika vile alivyovipasua Mwenyezi Mungu miongoni mwa nafaka na mbegu, na wanavila na wananufaika na kila aina ya manufaa aliyoyaweka Mwenyezi Mungu katika hivyo. Na Mwenyezi Mungu anawonyesha katika wema wake na ihsani yake yale ambayo huangaza akili na kuzishangaza wanaume wenye nguvu, na huwaonyesha katika ufundi wake wa ajabu na ukamilifu wa hekima yake ambayo kwayo wanamjua na wanampwekesha, na wanajua kuwa Yeye ndiye Haki, na kwamba kumuabudu asiyekuwa Yeye ni batili. "Humtoa aliye hai kutokana na maiti," kama vile anavyotoa mnyama kutoka katika manii, na kifaranga kutoka katika yai, na nafaka na kokwa kutoka katika mimea na miti. "Mwenye kumtoa maiti," naye ni yule ambaye hamei wala hana roho "kutokana na aliye hai;" kama vile anavyotoa kokwa na nafaka kutoka katika miti na mazao. Na anatoa mayai kutoka katika ndege na kadhalika. "Huyo" ambaye alifanya aliyoyafanya, na akawa peke yake katika kuumba vitu hivi, na kuviendesha ndiye "Mwenyezi Mungu" Mola wenu Mlezi. Yaani, Yeye ndiye mwenye uungu na ibada juu ya viumbe vyake vyote. Na ndiye aliyewalea walimwengu wote kwa neema zake, na akawalisha kwa ukarimu wake. "Basi vipi mnadanganywa?" Yaani, vipi mnageuzwa, na mnakataa kumwabudu Yule ambaye mambo yake ni hivi, na mkamuabudu yule asiyeimilikia nafsi yake manufaa yoyote, wala madhara, wala kifo, wala uhai, wala ufufuo?