Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَوَهَبْنَا لَهُۥٓ إِسْحَـٰقَ وَيَعْقُوبَ ۚ كُلًّا هَدَيْنَا ۚ وَنُوحًا هَدَيْنَا مِن قَبْلُ ۖ وَمِن ذُرِّيَّتِهِۦ دَاوُۥدَ وَسُلَيْمَـٰنَ وَأَيُّوبَ وَيُوسُفَ وَمُوسَىٰ وَهَـٰرُونَ ۚ وَكَذَٰلِكَ نَجْزِى ٱلْمُحْسِنِينَ 84
Mwenyezi Mungu Mtukufu alipomtaja mja wake na rafiki mwandani wake Ibrahim, amani iwe juu yake, na akataja yale aliyomneemesha kwayo ya elimu, na kulingania, na subira. Akataja yale ambayo Mwenyezi Mungu alimtukuza kwayo miongoni mwa dhuria njema, na kizazi kizuri, na kwamba Mwenyezi Mungu alimweka aliye bora zaidi wa viumbe vyote kutoka katika kizazi chake. Basi ni kukubwa kulioje hadhi hii, heshima kubwa ambayo haina mfano wake! Kwa hivyo, Akasema:
{84} "Na tukamtunuku (Ibrahim) Is-haq na Yaakub," mwanawe ambaye ndiye Israili, baba wa mataifa ambaye Mwenyezi Mungu alimfadhilisha juu ya walimwengu wote. "Kila mmoja wao" katika wawili hao tulimuongoa kwenye njia iliyonyooka katika elimu yake na vitendo vyake. Na "Nuhu" tulimuongoa "kabla," na uwongofu wake ni miongoni mwa uwongofu wa juu zaidi maalumu ambao haukuwahi kufanyika isipokuwa tu kwa watu fulani tu miongoni mwa walimwengu. Nao ni wale wenye stahamala kubwa miongoni mwa Mitume ambao yeye ni miongoni mwao. "Na katika dhuria zake," inawezekana kwamba neno hili (yake) linamrejea Nuhu. Kwa sababu yeye ndiye aliyetajwa mwisho, na kwa sababu Mwenyezi Mungu alimtaja Lut’ pamoja na wale aliowataja, naye ni katika dhuria ya Nuhu, na si katika dhuria ya Ibrahim. Kwa sababu yeye ni kijana wa kaka yake (Nuhu). Na inawezekana kwamba neno hilo (yake) linamrudia Ibrahim. Kwa sababu muktadha huu ni katika kumsifu. Na Lut, ijapokuwa si katika kizazi chake, lakini alikuwa miongoni mwa wale walioamini kupitia mkononi mwake, kwa hivyo hadhi yake na fadhila yake Al-Khalil ikawa kubwa zaidi kuliko ile ya kuwa kwake mwanawe tu. "Na Daudi na Suleman" mwana wa Daud, "na Ayyub na Yusuf" mwana wa Yaakub, "na Musa na Harun" wana wa ‘Imran. "Na hivi ndivyo" kama tulivyowafanya dhuria ya Ibrahim Al-Khalil kuwa wema. Kwa sababu alimuabudu Mola wake Mlezi kwa uzuri, na akafanya uzuri katika kuwanufaisha viumbe, basi vivyo hivyo ndivyo "tunavyowalipa wafanyao mazuri" kwa kuwapa sifa njema ya ukweli, na dhuria njema kulingana na kufanya kwao mazuri.