Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَإِذَا رَأَيْتَ ٱلَّذِينَ يَخُوضُونَ فِىٓ ءَايَـٰتِنَا فَأَعْرِضْ عَنْهُمْ حَتَّىٰ يَخُوضُوا۟ فِى حَدِيثٍ غَيْرِهِۦ ۚ وَإِمَّا يُنسِيَنَّكَ ٱلشَّيْطَـٰنُ فَلَا تَقْعُدْ بَعْدَ ٱلذِّكْرَىٰ مَعَ ٱلْقَوْمِ ٱلظَّـٰلِمِينَ 68
{68} Kinachomaanishwa na kuingilia Aya za Mwenyezi Mungu ni kusema yale yanayopingana na haki, kama vile kuboresha maneno batili, na kuyalingania, na kuwasifu watu wake, na kuipa mgongo haki, na kuikashifu na watu wake. Kwa hivyo Mwenyezi Mungu akamwamrisha Mtume wake kwanza, na umma wake kwa kumfuata, wanapomwona mwenye kuziingilia Aya za Mwenyezi Mungu kwa kitu miongini mwa yale yaliyotajwa. Kwamba wajitenge nao, na wala wasihudhurie mikusanyiko ya hao wanaoziingia kwa batili, na wakaendelee katika hayo, mpaka watafute na kuingia katika maneno yasiyokuwa hayo. Na ikiwa ni katika maneno yasiyokuwa hayo, basi Katazo lililotajwa hapo juu linaondoka. Na ikiwa ni masilahi, basi hilo limeamrishwa. Na kama ni kisichokuwa hilo, basi halitakuwa na manufaa na wala halikuamrishwa. Na katika kushutumu kujiingiza kwa batili katika Aya za Mwenyezi Mungu kuna himizo la kutafiti, na kuzingatia, na kujadiliana kwa haki. Kisha akasema, “Na kama Shetani atakusahaulisha.” Yaani ikiwa utakaa pamoja nao kwa kusahau na kughafilika, "basi baada ya kutanabahi, usikae pamoja na kaumu madhalimu."Hili linajumuisha wale wanaojiingiza humo kwa batili, na kila mwenye kuzungumza jambo lililoharamishwa au mwenye kufanya kitendo kilichoharamishwa. Basi ni haramu kukaa na kuhudhuria wakati wa kuwepo kwa maovu ambayo mtu hawezi kuyaondoa. Katazo hili na kuharamisha ni kwa mwenye kukaa pamoja nao na hatumii kumcha Mwenyezi Mungu kwa namna kwamba, anashiriki nao katika kuzungumza maneno na vitendo vilivyoharamishwa au kuwanyamazia, na akaacha kuwakataza. Na akitumia kumcha Mwenyezi Mungu mtukufu kwa kuwaamrisha kutenda mema na kuwakataza maovu na maneno ambayo yanatoka kwao, kwa hivyo hili linasababisha kuondoka kwa uovu huu au kuupunguza, basi huyu hapana ubaya juu yake wala dhambi, na ndiyo maana akasema: