Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَمَا مِن دَآبَّةٍ فِى ٱلْأَرْضِ وَلَا طَـٰٓئِرٍ يَطِيرُ بِجَنَاحَيْهِ إِلَّآ أُمَمٌ أَمْثَالُكُم ۚ مَّا فَرَّطْنَا فِى ٱلْكِتَـٰبِ مِن شَىْءٍ ۚ ثُمَّ إِلَىٰ رَبِّهِمْ يُحْشَرُونَ 38
{38} Yaani, Wanyama wote wa ardhini na wa angani, miongoni mwa wanyama wa mifugo, na wanyama mwitu, na ndege, wote ni umma mfano wenu. Tuliwaumba kama tulivyowaumba nyinyi, na tukawaruzuku kama tulivyowaruzuku nyinyi, na mapenzi yetu na uwezo wetu yanatekelezeka kwao kama vile yanavyotekelezeka kwenu. "Hatukupuuza chochote katika Kitabu." Yaani, hatukupuuza wala kughafilika tukaacha kitu katika Ubao uliohofadhiwa. Bali vitu vyote - vidogo vyake na vikubwa vyake - vimenakiliwa katika Ubao Uliohifadhiwa jinsi vilivyo. Basi matukio yote yanatokea kama yalivyoandikwa na Kalamu. Na katika Aya hii kuna ushahidi kwamba lile andiko la kwanza lilijumuisha viumbe vyote. Na hili ni moja ya daraja za hukumu na majaaliwa ya Mwenyezi Mungu. Kwani ni daraja nne: Elimu ya Mwenyezi Mungu inayojumuisha kila kitu, na kuandika kwake kunakojumuisha vitu vyote vilivyopo, na mapenzi Yake na uwezo wake unaotekelezeka kiujumla juu ya kila kitu, na kuumba Kwake viumbe vyote, hata vitendo vya waja Wake. Na inawezekana kwamba kinachokusudiwa na Kitabu ni Qur’ani hii, na kwamba maana yake ni kama maana ya kauli yake Mola Mtukufu; "Na tumekuteremshia Kitabu hiki kinachobainisha kila kitu." Na kauli yake, "Kisha kwa Mola wao Mlezi watakusanywa;" yaani, umma zote watakusanywa na kujumuishwa kwa Mwenyezi Mungu katika mahali pa Qiyama. Na katika mahali hapo pakubwa na pazito, atawalipa kwa uadilifu wake na ihsani yake, na atawapitishia hukumu yake ambayo kwayo atahimidiwa na wa mwanzo na wa mwisho. Wakazi wa mbinguni na wakazi wa duniani.