Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
ثَمَـٰنِيَةَ أَزْوَٰجٍ ۖ مِّنَ ٱلضَّأْنِ ٱثْنَيْنِ وَمِنَ ٱلْمَعْزِ ٱثْنَيْنِ ۗ قُلْ ءَآلذَّكَرَيْنِ حَرَّمَ أَمِ ٱلْأُنثَيَيْنِ أَمَّا ٱشْتَمَلَتْ عَلَيْهِ أَرْحَامُ ٱلْأُنثَيَيْنِ ۖ نَبِّـُٔونِى بِعِلْمٍ إِن كُنتُمْ صَـٰدِقِينَ 143
{143} Na hawa mifugo ambao Mwenyezi Mungu aliwaneemesha kwao juu ya waja wake, na akawafanya wote kuwa halali na wazuri, aliwaeleza kwa kina kwamba ni: "majozi manane: katika kondoo ni wawili", dume na jike, "na katika mbuzi ni wawili" vile vile. Basi hawa ni wanne, wote wanaingia katika yale aliyohalalisha Mwenyezi Mungu, na hakuna tofauti baina yeyote katika hao. Basi waambie hawa wanaojitia katika ugumu, ambao wanaharamisha katika hao baadhi yao na kuacha baadhi yao, au wanawaharamisha baadhi yao kwa wanawake na sio kwa wanaume, ukiwalazimisha kuwa hakuna tafauti baina ya wale waliowaruhusu katika hao na wale waliowaharamisha: "Je, madume wawili hawa" katika kondoo na mbuzi ndiyo "ameharamisha" Mwenyezi Mungu? Lakini nyinyi hamsemi hivyo katika hali zote. "Majike wawili hawa," Mwenyezi Mungu aliharamisha katika kondoo na mbuzi. Lakini kauli yenu si hii. Si kuharamisha madume wote wawili, wala majike wote wawili katika aina mbili hizi. Na inabaki ikiwa tumbo lunajumuisha dume na jike au kisichojulikana. Basi akasema, "au" mnaharamisha "wale waliomo matumboni mwa majike yote mawili haya?" Yaani, kondoo jike na mbuzi jike, bila ya tofauti yoyote kati ya dume na jike. Lakini nyinyi pia hamsemi kauli hii. Kwa hivyo ikiwa hamsemi kwa mojawapo ya kauli hizi tatu ambazo zimefungia kategoria zinazowezekana katika hao, basi mnaenda kwa kitu gani? "Niambieni kwa elimu ikiwa nyinyi ni wakweli" katika kauli yenu hiyo na madai yenu. Na inajulikana kuwa hawawezi kusema kauli yenye kuingia katika akili isipokuwa moja katika hizi tatu, lakini wao hawasemi hata mmoja katika hizi. Bali wanasema, hakika baadhi ya mifugo ambao wanakubaliana juu yake kukubaliana kwao wenyewe tu ni haramu kwa wanawake na si kwa wanaume, au ni haramu katika wakati fulani miongoni mwa nyakati. Au mfano wa hayo miongoni mwa kauli ambazo anajulikana kwa elimu isiyokuwa na shaka ndani yake kwamba chanzo chake ni kwa sababu ya ujinga uliopandana, na akili mbaya, potofu, na maoni mabovu, na kwamba Mwenyezi Mungu hakuyateremshia yale waliyoyasema mamlaka yoyote, wala hawana hoja yoyote juu yake wala ushahidi.