Al-Maaida
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
سَمَّـٰعُونَ لِلْكَذِبِ أَكَّـٰلُونَ لِلسُّحْتِ ۚ فَإِن جَآءُوكَ فَٱحْكُم بَيْنَهُمْ أَوْ أَعْرِضْ عَنْهُمْ ۖ وَإِن تُعْرِضْ عَنْهُمْ فَلَن يَضُرُّوكَ شَيْـًٔا ۖ وَإِنْ حَكَمْتَ فَٱحْكُم بَيْنَهُم بِٱلْقِسْطِ ۚ إِنَّ ٱللَّهَ يُحِبُّ ٱلْمُقْسِطِينَ 42
{42} "Hao ni wasikilizaji sana wa uongo." Na kusikiliza hapa ni kusikiliza kwa kuitikia. Yaani, kwa sababu ya uchache wa dini yao na akili yao, wanawaitikia mwenye kuwaita kusema uwongo. “Na ni walaji mno vya haramu,” yaani, mali haramu wanazozichukua kutoka kwa watu wao wa chini na watu wa kawaida kwa njia ya taarifa na mishahara isiyo ya haki. Kwa hivyo wakachanganya kati ya kufuata uongo na kula vya haramu. "Basi wakikujia, wahukumu baina yao au wapuuze" kwani, umepewa chaguo katika hayo. Na Aya hii haikufutwa kwani, wakati kundi hili linamtaka kuwa hakimu, anapewa chaguo kati ya kuhukumu baina yao au kuacha kuhukumu kati yao. Kwa sababu wao hawana nia katika hukumu ya kisheria isipokuwa ikiwa inakubaliana na matamanio yao. Na kwa maana hii, Kila mwenye kuuliza na mwenye kutaka hukumu ya mwanachuoni anayejua katika hali yake kwamba, lau atahukumu dhidi yake, hataridhika, basi haitakuwa wajibu wake kuhukumu, wala kuwatolea fatwa. Na akihukumu baina yao, ni lazima ahukumu kwa uadilifu. Na ndiyo maana akasema, "Na ukiwapuuza, basi wao hawatakudhuru kitu. Na ukiwahukumu, basi hukumu baina yao kwa uadilifu. Hakika Mwenyezi Mungu anawapenda waadilifu." Hata kama ni madhalimu na maadui, basi hilo lisikuzuie kufanya uadilifu katika kuhukumu kati yao. Na katika hili kuna ufafanuzi wa ubora wa uadilifu na haki katika kuhukumu kati ya watu, na kwamba Mwenyezi Mungu Mtukufu anaupenda.