Al-Fath
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
لَّقَدْ رَضِىَ ٱللَّهُ عَنِ ٱلْمُؤْمِنِينَ إِذْ يُبَايِعُونَكَ تَحْتَ ٱلشَّجَرَةِ فَعَلِمَ مَا فِى قُلُوبِهِمْ فَأَنزَلَ ٱلسَّكِينَةَ عَلَيْهِمْ وَأَثَـٰبَهُمْ فَتْحًا قَرِيبًا 18 وَمَغَانِمَ كَثِيرَةً يَأْخُذُونَهَا ۗ وَكَانَ ٱللَّهُ عَزِيزًا حَكِيمًا 19
{18 - 19} Mwenyezi Mungu Mtukufu anajulisha kuhusu fadhila na rehema zake za kuwaridhia Waumini walipokuwa wanafunga ahadi ya utii kwa Mtume - rehema na amani za Mwenyezi Mungu ziwe juu yake - kiapo kile cha utii kilichong'arisha nyuso zao na kwacho wakapata furaha katika dunia hii na akhera. Na ilikuwa sababu ya kiapo hiki cha utii, kilichoitwa Ahadi ya Ridhwan (ahadi ya utii ya maridhiano) kwa sababu ya Mwenyezi Mungu kuwaridhia Waumini katika hilo. Pia inaitwa Ahadi ya utii ya watu wa Mti - ni kwamba Mtume wa Mwenyezi Mungu - rehema na Amani za Mwenyezi Mungu zimshukie - yalipotokea mazungumzo kati yake na washirikina siku ya Hudaybiyyah kuhusu kuja kwake, na kwamba hakuja kwa ajili ya kupigana vita na mtu yeyote, bali alikuja kwa ajili ya kuizuru Nyumba hii ili kuitukuza. Basi Mtume wa Mwenyezi Mungu – rehema na amani zimshukie – akamtuma Uthman bin Affan Makka kwa ajili ya hilo, kisha ikaja habari isiyo za kweli kwamba Uthman ameuawa na washirikina. Basi Mtume wa Mwenyezi Mungu – rehema na amani zimshukie – akawakusanya pamoja wale waliokuwa pamoja naye miongoni mwa Waumini, nao walikuwa wapatao elfu moja na mia tano, na wakampa ahadi zao na utii chini ya Mti juu ya kuwapiga vita washirikina na kutokimbia mpaka wafe. Kwa hivyo Mwenyezi Mungu Mtukufu akajulisha kwamba amewaridhia Waumini katika hali hiyo, ambayo ni miongoni mwa matendo makubwa zaidi ya utiifu, na matendo makubwa zaidi ya kumweka mtu karibu na Mwenyezi Mungu. ''Na alijua yaliyomo nyoyoni mwao'' kama vile imani, ''Basi akateremsha utulivu juu yao'' na kuwashukuru kwa yale yaliyokuwa nyoyoni mwao, na akawazidishia uwongofu, na alijua yaliyomo nyoyoni mwao juu ya yale masharti yale ambayo washirikina walikuwa wameweka juu ya Mtume wake, basi akateremsha utulivu juu yao ili kuwafanya imara na ili kuzituliza nyoyo zao kwa hayo, ''na akawalipa kwa Ushindi wa karibu." Nao ni ushindi wa Khaybar, ambao hawakuuhudhuria isipokuwa watu wa Hudaybiyya, basi Khaybar ikawa maalumu kwa wao tu pamoja na ngawira zake ili yawe ni malipo yao kwao na shukrani kwa yale waliyoyafanya katika kumtii Mwenyezi Mungu Mtukufu na kutekeleza anayoridhia. ''Na ngawira nyingi watakazozichukua. Na Mwenyezi Mungu ni Mwenye nguvu, Mwenye hekima." Yaani, anazo nguvu na uwezo, ambavyo kwa hivyo alishinda vitu vyote. Na ikiwa alitaka, angewashinda makafiri katika kila pambano linalokuwa baina yao na Waumini. Lakini Yeye ni Mwenye hekima, na huwajaribu wao kwa wao na humpa mtihani Muumini kwa kafiri.