Fussilat
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَوْ جَعَلْنَـٰهُ قُرْءَانًا أَعْجَمِيًّا لَّقَالُوا۟ لَوْلَا فُصِّلَتْ ءَايَـٰتُهُۥٓ ۖ ءَا۬عْجَمِىٌّ وَعَرَبِىٌّ ۗ قُلْ هُوَ لِلَّذِينَ ءَامَنُوا۟ هُدًى وَشِفَآءٌ ۖ وَٱلَّذِينَ لَا يُؤْمِنُونَ فِىٓ ءَاذَانِهِمْ وَقْرٌ وَهُوَ عَلَيْهِمْ عَمًى ۚ أُو۟لَـٰٓئِكَ يُنَادَوْنَ مِن مَّكَانٍۭ بَعِيدٍ 44
{44} Mwenyezi Mungu Mtukufu anajulisha kuhusu fadhila zake na ukarimu wake; ambapo alikiteremsha kitabu chake hali ya kuwa ni cha Kiarabu kwa Mtume wa Kiarabu kwa lugha ya watu wake ili awabainishie. Hili ndilo linalowataka waitunze zaidi na kuipokea kwa kujisalimisha kwayo, na kwamba ikiwa angeifanya kuwa Qur-ani ya kigeni kwa lugha isiyokuwa ya Waarabu, basi wanaokadhibisha wangelipinga na kusema: "'Kwa nini Aya zake hazikupambanuliwa'" na kutafsiriwa wazi? "'Yawaje lugha ya kigeni na Mtume Mwaarabu?'" Yaani, iweje Muhammad ni Mwarabu ilhali kitabu ni cha kigeni? Hili haliwezekani. Basi Mwenyezi Mungu Mtukufu akakanusha kila jambo ambalo wana batili watakuwa na shaka nalo juu ya Kitabu chake, na akakieleza kwa kila sifa itakayowalazimu kukifuata. Lakini Waumini waliowezeshwa walinufaika nacho na wakanyanyuka juu, nao wasiokuwa wao wakawa kinyume na hali yao hiyo. Na ndiyo maana akasema: "Sema: 'Hii Qur-ani ni uwongofu na poza kwa wenye kuamini.'" Inawaongoza kwenye njia ya sawa kabisa na iliyonyooka, na inawafunza elimu zenye manufaa ambazo kwazo unapatikana uongofu kamili na poza kutokana na maradhi ya kimwili na maradhi ya kimoyo. Kwa sababu inakemea tabia mbaya na matendo maovu, na inahimiza juu ya toba ya kweli ambayo inaosha madhambi na kuponya moyo. "Na wale wasioamini" Qur-ani "umo uziwi katika masikio yao," na hawawezi kuisikiliza kwa hivyo wanapeana mgongo. "Nayo kwao imezibwa hawaioni" yaliyo ya sawa wala hawaongoki kwayo, na wala haiwazidishii isipokuwa upotofu. Kwa maana wanapoikataa haki, wanaongeza kuwa vipofu juu ya upofu wao na upotofu juu ya upotofu wao. "Hao wanaitwa nao wako pahala mbali.'" Yaani wanaitwa kwenye imani, lakini hawaitikii, ni kama mtu anayeitwa hali ya kuwa yuko mahali mbali. Hawezi kusikia kitu wala kumjibu huyo anayemuita. Maana yake ni kwamba wale wasioiamini Qur-ani hawafaidiki na uongofu wake, wala hawaoni kwa nuru yake na wala hawapati heri kutokana nayo. Kwa sababu walijifungia wenyewe milango ya uwongofu kwa kupeana kwao migongo na ukafiri wao.