An-Nisaa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
فَلْيُقَـٰتِلْ فِى سَبِيلِ ٱللَّهِ ٱلَّذِينَ يَشْرُونَ ٱلْحَيَوٰةَ ٱلدُّنْيَا بِٱلْـَٔاخِرَةِ ۚ وَمَن يُقَـٰتِلْ فِى سَبِيلِ ٱللَّهِ فَيُقْتَلْ أَوْ يَغْلِبْ فَسَوْفَ نُؤْتِيهِ أَجْرًا عَظِيمًا 74
{74} Na katika upole wa Mwenyezi Mungu kwa waja wake ni kwamba asiwakatie rehema yake, wala asiwafungie milango yake. Bali mwenye kufanya kile kisichofaa, anamwamrisha na kumwita ili atengeneze mapungufu yake na akamilishe nafsi yake. Ndiyo maana akawaamrisha hawa wamkusudie Yeye tu na watoke waende katika njia yake. Akasema, “Basi na wapigane katika Njia ya Mwenyezi Mungu wale ambao wanauza uhai wa dunia kwa Akhera.” Hii ni moja ya kauli kuhusiana na Aya hii, nayo ndiyo sahihi yake zaidi. Na ikasemwa kuwa maana yake ni kwamba na wapigane katika Njia ya Mwenyezi Mungu Waumini wenye imani kamili walio wakweli katika Imani yao. “Ambao wanauza uhai wa dunia kwa Akhera.” Yani wanaiuza dunia kwa sababu ya kutoitaka kwa Akhera kwa sababu ya kuitaka. Kwa maana hawa ndio ambao wanaongeleshwa, kwa sababu wao ndio walizitayarisha nafsi zao na wakazizoesha kupigana Jihadi dhidi ya maadui, kwa sababu ya kile walicho nacho cha imani kamili inayolazimu hilo. Na wale wanaojikokota, basi hawajalishi, watoke au wakae. Na hii inakuwa sawa na kauli yake Yeye Mtukufu, “Sema: Iaminini au msiiamini. Hakika, wale waliopewa elimu kabla yake, wanaposomewa hii, huanguka kifudifudi wanasujudu,” mpaka mwisho wa Aya. Na kauli yake, “Na ikiwa hawa watayakataa hayo, basi tumekwisha yawakilisha kwa watu wasioyakataa.” Na ikasemwa: hakika maana ya Aya hii ni: Basi naapigane mpiganaji vita na mwenye kufanya jitihada dhidi ya makafiri ambao wanaununua uhai wa dunia kwa Akhera. Kwa hivyo, ikiwa maana yake ni hiyo, inakuwa kauli yake “ambao” katika nafasi ya mtendwa. “Na mwenye kupigana katika Njia ya Mwenyezi Mungu,” yani katika Jihadi aliyoamrisha Mwenyezi Mungu na Mtume wake. Na mja awe anamfanyia Mwenyezi Mungu peke yake, akiukusudia uso wa Mwenyezi Mungu. “Kisha akauwawa au akashinda, basi tutampa ujira mkubwa” kama ziada juu ya imani yake, na dini yake, na ngawira, na sifa nzuri, na thawabu za wanaopambana katika njia ya Mwenyezi Mungu. Ambao Mwenyezi Mungu aliwaandalia ndani ya Pepo yale ambayo hakuna jicho liliwahi kuyaona, wala hakuna sikio liliwahi kuyasikia, wala hayakuwahi kupita katika moyo wa mwanadamu yeyote.