As-Saaffaat
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَقَدْ نَادَىٰنَا نُوحٌ فَلَنِعْمَ ٱلْمُجِيبُونَ 75 وَنَجَّيْنَـٰهُ وَأَهْلَهُۥ مِنَ ٱلْكَرْبِ ٱلْعَظِيمِ 76 وَجَعَلْنَا ذُرِّيَّتَهُۥ هُمُ ٱلْبَاقِينَ 77 وَتَرَكْنَا عَلَيْهِ فِى ٱلْـَٔاخِرِينَ 78 سَلَـٰمٌ عَلَىٰ نُوحٍ فِى ٱلْعَـٰلَمِينَ 79 إِنَّا كَذَٰلِكَ نَجْزِى ٱلْمُحْسِنِينَ 80 إِنَّهُۥ مِنْ عِبَادِنَا ٱلْمُؤْمِنِينَ 81 ثُمَّ أَغْرَقْنَا ٱلْـَٔاخَرِينَ 82
Kisha akataja mfano wa mwisho wa mataifa waliokadhibisha, akasema:
{75 - 82} Mwenyezi Mungu Mtukufu anajulisha kuhusu mja wake na Mtume wake, Nuhu, amani iwe juu yake, Mitume wa kwanza, kwamba alipowalingania watu wake kwa Mwenyezi Mungu kwa muda huo mrefu, lakini wito wake haukuwazidisha isipokuwa kukimbia; kwamba akamwomba Mola wake Mlezi na akasema: "Mola wangu Mlezi! Usimwache juu ya ardhi mkazi wake yeyote katika makafiri..." hadi mwisho wa aya. Na akasema: "Ewe Mola wangu Mlezi! Ninusuru na watu mafisadi hawa!" Basi Mwenyezi Mungu akamwitikia. Na Mwenyezi Mungu akajisifu, akasema: "Na Sisi ni bora wa waitikiaji" dua za waombaji na kusikia dua zao na unyenyekevu wao kwetu. Basi Mwenyezi Mungu akamjibu kwa jawabu linalolingana na alivyoomba. Alimuokoa yeye na familia yake kutokana na msiba mkubwa, akawazamisha makafiri wote, na akakibakisha kizazi chake na kizazi kikaendelea kuzaana mfululizo. Basi watu wote ni kizazi cha Nuhu, amani imshukie. Na pia akamjaalia sifa njema zinazoendelea mpaka zama za watu wa mwisho, kwa sababu alikuwa mwema katika kumuabudu Muumba, mwema kwa viumbe. Hii ndiyo desturi yake Mwenyezi Mungu Mtukufu kuhusiana na wanaofanya wema; kuwaenezea sifa njema kulingana na wema wao. Na kauli yake: "Hakika yeye ni katika waja wetu walioamini," inaashiria kuwa imani ndiyo daraja ya juu kabisa ya ibada na kwamba inajumuisha sheria zote za Dini, misingi yake na matawi yake,kwa sababu Mwenyezi Mungu aliwasifu kwayo waja wake maalumu.