As-Saaffaat
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَإِنَّ إِلْيَاسَ لَمِنَ ٱلْمُرْسَلِينَ 123 إِذْ قَالَ لِقَوْمِهِۦٓ أَلَا تَتَّقُونَ 124 أَتَدْعُونَ بَعْلًا وَتَذَرُونَ أَحْسَنَ ٱلْخَـٰلِقِينَ 125 ٱللَّهَ رَبَّكُمْ وَرَبَّ ءَابَآئِكُمُ ٱلْأَوَّلِينَ 126 فَكَذَّبُوهُ فَإِنَّهُمْ لَمُحْضَرُونَ 127 إِلَّا عِبَادَ ٱللَّهِ ٱلْمُخْلَصِينَ 128 وَتَرَكْنَا عَلَيْهِ فِى ٱلْـَٔاخِرِينَ 129 سَلَـٰمٌ عَلَىٰٓ إِلْ يَاسِينَ 130 إِنَّا كَذَٰلِكَ نَجْزِى ٱلْمُحْسِنِينَ 131 إِنَّهُۥ مِنْ عِبَادِنَا ٱلْمُؤْمِنِينَ 132
{123 - 132} Mwenyezi Mungu anamsifu mja wake na Mtume wake, Ilyas, rehema na amani ziwe juu yake, kwa unabii, utume na kulinganua kwa Mwenyezi Mungu. Na kwamba aliwaamrisha watu wake kuwa wachamungu na kumuabudu Mwenyezi Mungu peke yake, na akawakataza kuabudu sanamu lao liitwalo Baa'li. Aliwakemea kutokana na suala lao la kuacha kumuabudu Mwenyezi Mungu aliyewaumba, akawapa neema za dhahiri na zilizofichika kwa wingi, na akawalaumu: "Vipi mliacha kumuabudu Yule ambaye yuko hivi mkaanza kuabudu sanamu ambalo halidhuru wala halinufaishi, wala haliumbi wala haliruzuku na wala halili chakula wala halizungumzi." Basi je, huu ni nini isipokuwa upotovu mkubwa zaidi, upumbavu na ukengeufu? "Wakamkadhibisha" katika yale aliyowaitia, na wala hawakumtii. Mwenyezi Mungu alisema akiwaahidi adhabu: "Basi kwa hakika watahudhurishwa" Siku ya Kiyama katika adhabu, lakini hapa hakutaja adhabu yao ya duniani, "Isipokuwa waja wa Mwenyezi Mungu waliosafishwa" ambao Mwenyezi Mungu aliwaneemesha kwa neema ya kumfuata Nabii wao. Hao hawatahudhurishwa katika adhabu na mateso, bali watapata thawabu nyingi kutoka kwa Mwenyezi Mungu. "Na tulimwachia (sifa nzuri) kwa waliokuja baadaye." "Iwe salama kwa Ilyas" kutoka kwa Mwenyezi Mungu na waja wake. "Hakika hivyo ndivyo tunavyowalipa waliowema. Hakika yeye ni katika waja wetu walioamini." Hapa Mwenyezi Mungu akawa amemsifu kama alivyowasifu ndugu zake, rehema na amani za Mwenyezi Mungu ziwe juu yao wote.