Al-Ankaboot
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَئِن سَأَلْتَهُم مَّنْ خَلَقَ ٱلسَّمَـٰوَٰتِ وَٱلْأَرْضَ وَسَخَّرَ ٱلشَّمْسَ وَٱلْقَمَرَ لَيَقُولُنَّ ٱللَّهُ ۖ فَأَنَّىٰ يُؤْفَكُونَ 61 ٱللَّهُ يَبْسُطُ ٱلرِّزْقَ لِمَن يَشَآءُ مِنْ عِبَادِهِۦ وَيَقْدِرُ لَهُۥٓ ۚ إِنَّ ٱللَّهَ بِكُلِّ شَىْءٍ عَلِيمٌ 62 وَلَئِن سَأَلْتَهُم مَّن نَّزَّلَ مِنَ ٱلسَّمَآءِ مَآءً فَأَحْيَا بِهِ ٱلْأَرْضَ مِنۢ بَعْدِ مَوْتِهَا لَيَقُولُنَّ ٱللَّهُ ۚ قُلِ ٱلْحَمْدُ لِلَّهِ ۚ بَلْ أَكْثَرُهُمْ لَا يَعْقِلُونَ 63
{61-63} Huku ni kuwasimamishia hoja washirikina ambao wanakadhibisha upweke wa Mwenyezi Mungu na kwamba Yeye tu ndiye anayefaa kuabudiwa, kwa kuwafanya wakiri hilo kwa kutumia ushahidi wa upweke wake katika umola ambao wao wenyewe wanauthibitisha. Kwani, ikiwa "utawauliza ni nani aliyeumba mbingu na ardhi" Na ni nani aliyeteremsha maji kutoka mbinguni, na akaihuisha ardhi baada ya kufa kwake? Na ni nani ambaye uendeshaji wa viumbe vyote uko mkononi mwake? "Bila ya shaka watasema: Ni Mwenyezi Mungu" peke yake; na wakakiri kwamba masanamu na hao waliowaabudu pamoja na Mwenyezi Mungu hawawezi chochote katika hayo! Basi unaweza kustaajabia uzushi wao na uongo wao huo, na kumuendea kwao yule waliyekiri kutojiweza kwake na kwamba hastahili kuendesha chochote! Na utatambua kwamba hawana akili, na kwamba wao ndio wapumbavu wenye maono dhaifu! Basi je, unaweza kumuona yule ambaye ni dhaifu zaidi wa akili na maono kuliko mwenye kulijia jiwe au kaburi au mfano wake ilhali anajua kwamba halifai, wala halidhuru, wala haliumbi, wala haliruzuku - kisha akalikusudia hilo tu, na akalifanyia ibada hilo tu ibada, na akalishirikisha pamoja na Mola Mlezi, Muumba, Mwenye kuruzuku, Mwenye kunufaisha, Mwenye kudhuru? Na sema: Sifa njema zote ni za Mwenyezi Mungu aliyebainisha uwongofu na upotofu, na akaweka wazi upotofu ambao washirikina wanafanya ili wale waliofanikiwa wawezi kujitahadhari nao. Na sema: Sifa njema zote ni za Mwenyezi Mungu aliyeumba ulimwengu wa juu na wa chini, na akawaendesha na kuwaruzuku huku akimkunjulia riziki hiyo amtakaye, na akamkunjia amtakaye kwa hekima yake, na kwa sababu anajua kile kilicho kizuri kwa waja.