An-Naml
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
قِيلَ لَهَا ٱدْخُلِى ٱلصَّرْحَ ۖ فَلَمَّا رَأَتْهُ حَسِبَتْهُ لُجَّةً وَكَشَفَتْ عَن سَاقَيْهَا ۚ قَالَ إِنَّهُۥ صَرْحٌ مُّمَرَّدٌ مِّن قَوَارِيرَ ۗ قَالَتْ رَبِّ إِنِّى ظَلَمْتُ نَفْسِى وَأَسْلَمْتُ مَعَ سُلَيْمَـٰنَ لِلَّهِ رَبِّ ٱلْعَـٰلَمِينَ 44
{44} Kisha Suleiman akataka kwamba (Malkia) aone katika mamlaka yake kile kinachoshangaza akili, kwa hivyo akamwamuru aingie kwenye behewa, ambalo ni baraza lililoinuka na ni pana, nalo lilikuwa baraza la sakafu ya vioo, ambalo mito inapita chini yake. "Akaambiwa: Liingie behewa la jumba hili. Alipoliona, alidhani ni maji," kwa sababu vioo ni wazi, na yanaonekana maji ambayo yako chini yake, kana kwamba hayo yenyewe ndiyo yanapita bila ya kuwepo kitu juu yake. "Na akapandisha nguo mpaka kwenye miundi yake" ili aingie ndani yake. Na hili pia ni katika akili yake nzuri na adabu yake nzuri; kwa sababu hakukataa kuingia pale alipoamrishwa kuingia kwa sababu alijua kwamba hakuitwa isipokuwa kwa ajili ya kufanyiwa ukarimu, na kwamba ufalme wa Suleiman na mpangilio wake umejengeka kwa hekima, na wala hakukuwa na shaka yoyote moyoni mwake kutokea hali yoyote mbaya baada ya kuona kile alichokiona. Basi alipojiandaa kuingia humo, akaambiwa "Hakika hilo ni behewa liliosakafiwa kwa vioo!" Kwa hivyo, hakuna haja ya kuinua vazi juu ya miundi yako. Na alipofika kwa Suleiman na akaona kile alichokiona na akajua kwamba yeye ni nabii na Mtume, akatubia na akaachana na ukafiri wake, na "Akasema (Malkia): Mola wangu Mlezi! Mimi nimejidhulumu, na sasa ninanyenyekea pamoja na Sulaiman kwa Mwenyezi Mungu, Mola Mlezi wa walimwengu wote." Hivi ndivyo Mwenyezi Mungu alivyotusimulia katika kisa cha Malkia wa Sabai na kile kilichomtokea alipokuwa pamoja na Suleiman. Na chochote kisichokuwa hayo miongoni mwa matawi waliyozua watu, na hadithi Wana wa Israili, hayo hayawezi kutumiwa katika kutafsiri maneno ya Mwenyezi Mungu. Nayo ni katika mambo ambayo ili kuwa na uhakika juu yake kunahitaji kuwepo ushahidi unaojulikana usiokuwa na makosa. Lakini mambo yaliyosimuliwa katika mlango huu, yote au mengi yake siyo hivyo. Kwa hivyo mtu ajitahadharishe na ajiepushe nayo, na asiyaingize katika tafsiri. Na Mwenyezi Mungu ndiye ajuaye zaidi.