Ash-Shu'araa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
قَالَ ءَامَنتُمْ لَهُۥ قَبْلَ أَنْ ءَاذَنَ لَكُمْ ۖ إِنَّهُۥ لَكَبِيرُكُمُ ٱلَّذِى عَلَّمَكُمُ ٱلسِّحْرَ فَلَسَوْفَ تَعْلَمُونَ ۚ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَـٰفٍ وَلَأُصَلِّبَنَّكُمْ أَجْمَعِينَ 49 قَالُوا۟ لَا ضَيْرَ ۖ إِنَّآ إِلَىٰ رَبِّنَا مُنقَلِبُونَ 50 إِنَّا نَطْمَعُ أَن يَغْفِرَ لَنَا رَبُّنَا خَطَـٰيَـٰنَآ أَن كُنَّآ أَوَّلَ ٱلْمُؤْمِنِينَ 51
{49 - 51} Lakini Firauni akakataa isipokuwa kuendelea kuwa na kiburi, upotovu na kuendelea katika upotofu wake na ukaidi. Akawaambia wachawi hao, "Je, mmemuamini kabla ya kuwaruhusu?" Huku akishangaa na kushangaza kaumu yake juu ya ujasiri wao wa kuchukua hatua ya kuamini bila idhini yake na kutafuta ushauri wake. "Bila ya shaka yeye basi ndiye mkubwa wenu aliyewafunza uchawi." Anasema hivyo, ilhali yeye ndiye aliyewakusanya wachawi hao na waheshimiwa wake ambao walimshauri kuwakusanya kutoka mijini mwao, na walikwisha jua kwamba hawakuwahi kukutana na Musa wala hata kumwona kabla ya hapo, na kwamba walifanya uchawi wa kuwachanganya watazamaji na kuwatisha, lakini pamoja na hayo, akaeneza kauli hii dhidi yao hata wao wenyewe walijua kwamba ni kauli batili. Kwa hivyo, halitakuwa jambo geni kwa watu wa akili hizi kutoamini haki hii iliyo wazi na ishara hizi za ajabu; kwa sababu ikiwa Firauni angewaambia chochote kile kwamba hicho ni kinyume na uhakika wake, wao wangemuona tu kuwa ni mkweli. Kisha akawatishia wachawi hao, na akasema, "Nitakatakata mikono yenu na miguu yenu kwa kutofautisha;" yaani, mkono wa kulia na mguu wa kushoto; kama anavyofanyiwa mwenye kufanya uharibifu katika ardhi. "Na nitawasulubisha misalabani nyote" ili mdhalilike na mdunike. Basi wachawi hao wakasema walipopata utamu wa imani na wakaonja raha yake, "Haidhuru" kwani hatujali hicho unachotuhofisha kwacho; "kwani sisi ni wenye kurejea kwa Mola wetu Mlezi. Hakika sisi tunatumai Mola wetu Mlezi ili atatusamehe makosa yetu" ya ukafiri, uchawi na mengineyo; "kwa kuwa tumekuwa wa kwanza wa Waumini" waliomuamini Musa katika majeshi hawa. Basi Mwenyezi Mungu akawafanya wawe thabiti na wenye subira. Na inawezekana kwamba Firauni alifanya kile alichowatishia kufanya kwa sababu ya mamlaka yake na uwezo wake wakati huo, na inawezekana kwamba Mwenyezi Mungu alimzuia kutia katika hayo.