Ash-Shu'araa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
كَذَّبَتْ قَوْمُ نُوحٍ ٱلْمُرْسَلِينَ 105 إِذْ قَالَ لَهُمْ أَخُوهُمْ نُوحٌ أَلَا تَتَّقُونَ 106 إِنِّى لَكُمْ رَسُولٌ أَمِينٌ 107 فَٱتَّقُوا۟ ٱللَّهَ وَأَطِيعُونِ 108 وَمَآ أَسْـَٔلُكُمْ عَلَيْهِ مِنْ أَجْرٍ ۖ إِنْ أَجْرِىَ إِلَّا عَلَىٰ رَبِّ ٱلْعَـٰلَمِينَ 109 فَٱتَّقُوا۟ ٱللَّهَ وَأَطِيعُونِ 110
{105-110} Yeye Mtukufu anataja kukadhibisha kwa kaumu ya Nuhu Mtume wao Nuhu, na kile alichowajibu na kile walichomjibu, na adhabu yao wote. Akasema, "Kaumu ya Nuhu waliwakadhibisha Mitume" wote, kwa sababu kumkadhibisha Nuhu ni kama kuwakadhibisha Mitume wote; kwa sababu wote walikubaliana juu ya wito mmoja na habari moja; kwa hivyo kumkadhibisha mmoja wao tu, ni kama kukadhibisha haki waliyokuja nayo wote. Walimkadhibisha, "Alipowaambia ndugu yao" katika nasaba "Nuhu." Na Mwenyezi Mungu aliwatuma Mitume kutoka katika nasaba ya wale aliowatumia Mtume huyo; ili wasije wakachukizwa na kumtii asiyetoka katika wao, na kwa sababu wanajua uhakika wake; na hawahitaji kumchnguza. Basi akawaambia kwa maneno ya upole zaidi kama ilivyo njia ya Mitume, rehema na amani za Mwenyezi Mungu ziwe juu yao, "Je, hamchi Mwenyezi Mungu" Mtukufu, mkaacha kile mnachodumu kukiabudu cha masanamu, na mkamfanyia Mwenyezi Mungu peke yake ibada? "Hakika mimi kwenu ni Mtume muaminifu" Na kwa kuwa yeye ni Mtume mahususi kwao, inalazimu wapokee kile alichotumwa nacho kwao, na kukiamini, na wamshukuru Mwenyezi Mungu Mtukufu kwa kuwatumia wao tu Mtume huyu mtukufu. Na kwa kuwa yeye ni mwaminifu inalazimu kwamba asiongee juu ya Mwenyezi Mungu, asiongeze katika Ufunuo wake, na asipunguze kitu. Na hayo yanalazimu wazisadiki habari zake na watii amri zake. "Basi mcheni Mwenyezi Mungu, na nitiini mimi" katika yale aliyowaamrisha na katika yale aliyowakataza. Kwa maana hayo ndiyo yanayotokana na yeye kuwa ni Mtume mwaminifu kwao. Na ndiyo maana akatumia baada yake "basi" inayoonyesha sababu ya kuwaamrisha wamche. Kwa hivyo akawa ametaja sababu inayolazimu wamche, kisha akataja kwamba hakuna kizuizi chochote dhidi ya hilo. Akasema, "Na siwaulizi juu yake ujira" ndiyo mkaona ugumu wa gharama hiyo nzito. "Kwani ujira wangu hauko isipokuwa kwa Mola Mlezi wa walimwengu wote." Ninatumaini kuwa karibu naye kwa hilo, na thawabu nyingi. Na ama nyinyi matamanio yangu na mwisho wa utashi wangu kwenu ni kuwashauri na kwamba mfuate njia iliyonyooka. "Basi mcheni Mwenyezi Mungu, na nitiini mimi." Alirudia hilo yeye amani iwe juu yake kwa sababu alirudiarudia kuwalingania watu wake na akakaa muda mrefu katika kufanya hivyo, kama alivyosema Yeye Mtukufu, "na akakaa nao miaka elfu kasoro miaka hamsini." Na "Akasema: Ewe Mola wangu Mlezi! Hakika mimi nimewalingania watu wangu usiku na mchana. Lakini wito wangu haukuwazidisha ila kukimbia..." hadi mwisho wa Aya hizi.