Al-Muminoon
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
ثُمَّ خَلَقْنَا ٱلنُّطْفَةَ عَلَقَةً فَخَلَقْنَا ٱلْعَلَقَةَ مُضْغَةً فَخَلَقْنَا ٱلْمُضْغَةَ عِظَـٰمًا فَكَسَوْنَا ٱلْعِظَـٰمَ لَحْمًا ثُمَّ أَنشَأْنَـٰهُ خَلْقًا ءَاخَرَ ۚ فَتَبَارَكَ ٱللَّهُ أَحْسَنُ ٱلْخَـٰلِقِينَ 14
{14} "Kisha tukaliumba tone hilo" ambalo lilitulia katika tumbo la uzazi "kuwa damu iliyoganda;" yaani, damu nyekundu siku arobaini baada ya kuwa tone la mbegu ya uzazi. Kisha "tukaiumba damu hiyo" baada ya siku arobaini, "kuwa pande la nyama" la kiasi kinachotosha kutafunwa kwa sababu ya udogo wake. "Kisha tukaliumba pande hilo la nyama" laini "kuwa mifupa" migumu iliyoingiliana na nyama kulingana na namna mwili unavyoihitajia. "Na mifupa hiyo tukaivisha nyama" kama tulivyoifanya mifupa kuwa nguzo ya nyama, na hilo ni baada ya siku arobaini za tatu. "Kisha tukamfanya kuwa kiumbe mwingine" aliyepuliziwa roho ndani yake, kwa hivyo akageuka kutoka kuwa kitu kisicho na uhai hadi akawa mnyama. "Basi Mwenyezi Mungu ni Mwingi wa baraka, Mbora wa waumbaji," "ambaye ametengeneza vizuri kila kitu alichoumba, na akaanzisha kumuumba mtu kwa udongo, kisha akajaalia uzao wake utokane na asili ya maji dhaifu. Kisha akamtengeneza, na akampulizia roho yake, na akawajaalia kusikia na kuona, na nyoyo za kufahamu. Ni uchache mnavyoshukuru." Basi viumbe vyake vyote vizuri, na mtu ni katika bora zaidi wa viumbe vyake, bali yeye ndiye mbora wao kabisa. Kama alivyosema Mwenyezi Mungu Mtukufu, "Bila ya shaka tumemuumba mtu kwa umbo lilio zuri zaidi." Na ndiyo maana wakawa wateule wake ndio viumbe wake bora zaidi na wakamilifu zaidi yao wote.