Al-Anbiyaa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
لَوْ كَانَ فِيهِمَآ ءَالِهَةٌ إِلَّا ٱللَّهُ لَفَسَدَتَا ۚ فَسُبْحَـٰنَ ٱللَّهِ رَبِّ ٱلْعَرْشِ عَمَّا يَصِفُونَ 22
{22} Kwa hivyo mshirikina anaabudu kiumbe ambacho hakifaidishi wala hakidhuru, na anaacha kumkusudia Mwenyezi Mungu tu, ambaye ana ukamilifu wote na mikononi mwake ndiko kuna kuamrisha, kunufaisha, na kudhuru, na hii ni kutokana na ukosefu wake wa mafanikio, bahati mbaya, ujinga na ukali wa udhalimu wake. Haingii katika uwepo isipokuwa kwa Mungu mmoja; kama ambavyo haikupatikana ila kwa Mola mmoja tu, ndiyo sababu alisema: "Lau wangelikuwamo humo" mbinguni na ardhini, "miungu wengine isipokuwa Mwenyezi Mungu basi bila ya shaka hizo mbingu na ardhi zingelifisidika" katika dhati yake, na vikaharibika vilivyoko baina yake katika viumbe. Na maelezo ya hayo ni kwamba ulimwengu wa juu na wa chini kama unavyoonekana katika hali kamili zaidi ya utengenevu na mpangilio mzuri, ambao hauna dosari yoyote, wala kasoro, wala kukataa, wala pingamizi. Kwa hivyo hilo likaonyesha kwamba mwenye kuuendesha ni mmoja, na mlezi wake ni mmoja na Mungu wake ni mmoja. Na kama ulimwengu ungekuwa na waendeshaji wawili na mola wawili au zaidi, basi mfumo wake ungevurugika na nguzo zake zingeharibika. Kwa maana, wao wenyewe wataanza kuzuiana na kupingana. Na mmoja wao anapotaka kuendesha kitu, naye mwinginewe akataka kisitokee, basi jambo lisilowezekana kutokea wanayotaka hayo kwa pamoja, na kupatikana alichotaka mmoja wao pasi na alichotaka mwengineye ni ishara ya kushindwa kwa mwenginewe huyo, na kutoweza kwake, na kukubaliana kwao juu ya jambo moja katika mambo yote hakuwezekani. Basi inabakia tu kwamba Mshindi ambaye anafanya yapatikane makusudio yake Yeye peke yake bila ya mpingamizi yeyote wala mwenye kuzuia ni Mwenyezi Mungu, Mmoja, Mshindi. Na ndiyo maana Mwenyezi Mungu akataja uthibitisho wa kutowezekana katika kauli yake, "Mwenyezi Mungu hakujifanyia mwana yeyote, wala hanaye mungu yeyote mwengine. Ingekuwa hivyo, basi kila mungu angelichukua alivyoumba, na baadhi yao wangeliwashinda wengine. Mwenyezi Mungu ametakasika mno na sifa hizo wanazomsifu kwazo." Na miongoni mwa hayo ni kama ilivyo katika moja ya tafsiri ya maneno yake Mtukufu, "Sema: Lau kuwa wangelikuwa pamoja naye miungu mingine kama wasemavyo, basi wangelitafuta njia ya kumfikia Mwenye Kiti cha Enzi." Subhanahu Wa Taa'la (Ametakasika na Ametukuka juu kabisa) na hayo wanayoyasema." Ndiyo sababu akasema hapa, "Subahana 'Llah (Ametakasika Mwenyezi Mungu)" kutokana na kila upungufu kwa sababu Yeye peke yake ndiye mkamilifu tu. "Bwana wa A'rshi (Kiti cha Enzi)" ambayo ndiyo dari ya viumbe, na ndiyo pana na kubwa zaidi kati yao. Kwa hivyo, kuwa kwake Bwana wa vinginevyo kunafailia zaidi "kutokana na hayo wanayoyazua" hao wanaomkataa na kumkufuru kama vile kumfanyia mwana na mke, kwamba ana mshirika kwa njia moja au nyingine.