Taa-Haa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
يَوْمَ يُنفَخُ فِى ٱلصُّورِ ۚ وَنَحْشُرُ ٱلْمُجْرِمِينَ يَوْمَئِذٍ زُرْقًا 102 يَتَخَـٰفَتُونَ بَيْنَهُمْ إِن لَّبِثْتُمْ إِلَّا عَشْرًا 103 نَّحْنُ أَعْلَمُ بِمَا يَقُولُونَ إِذْ يَقُولُ أَمْثَلُهُمْ طَرِيقَةً إِن لَّبِثْتُمْ إِلَّا يَوْمًا 104
Kisha akaendelea na kutaja hali za Siku ya Qiyama na mambo yake ya kuhofisha, akasema:
Yaani, itakapopulizwa katika baragumu, kisha watu wakatoka makaburini mwao, kila mmoja kulingana na hali yake. Wachamungu watakusanywa kwa Mwingi wa rehema kama wageni wake. Nao wahalifu watakusanywa huku rangi zao ni za buluu kutokana na hofu, wasiwasi na kiu. Watanong'onozana wao kwa wao kuhusiana na namna ulivyokuwa mfupi muda wa dunia na kufika haraka kwa Akhera. Basi baadhi yao watasema: Hamkukaa isipokuwa siku kumi tu. Na baadhi yao watasema yasiyokuwa hayo. Na Mwenyezi Mungu anajua kunong'onozana kwao na anasikia wanayoyasema, "atakaposema mbora wao katika mwendo." Yaani, yule ambaye ni wa wastani wao na aliye karibu zaidi wao katika kukadiria muda waliokaa. "Nyinyi hamkukaa ila siku moja tu." Na makusudio ya haya ni kuonyesha majuto makubwa, jinsi walivyopoteza muda mfupi na kuumaliza huku wamejisahaulisha, kufanya upuuzi, na kuyapa mgongo yale yenye kuwanufaisha, na kuyaendea yale yenye kuwadhuru. Na hapa tayari yamekwisha fika malipo, na tishio la adhabu likatimia, kwa hivyo hakijabakia isipokuwa majuto na kuomba maangamio na kupotelea mbali. Kama alivyosema Mwenyezi Mungu Mtukufu, "Atasema: Mlikaa muda gani katika ardhi kwa hesabu ya miaka? Watasema: Tulikaa siku moja au sehemu ya siku. Basi waulize wanaoweka hesabu. Atasema: Nyinyi hamkukaa huko duniani isipokuwa kidogo tu, laiti ingelikuwa mnajua."