Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
إِنَّ ٱلَّذِينَ ءَامَنُوا۟ وَٱلَّذِينَ هَادُوا۟ وَٱلنَّصَـٰرَىٰ وَٱلصَّـٰبِـِٔينَ مَنْ ءَامَنَ بِٱللَّهِ وَٱلْيَوْمِ ٱلْـَٔاخِرِ وَعَمِلَ صَـٰلِحًا فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ 62
Kisha Mwenyezi Mungu Mtukufu akasema akihukumu kati ya makundi ya waliopewa kitabu:
(62) Na hukumu hii ni ya Watu wa Kitabu hususan, kwa sababu Wasabai wapo sahihi ya kwamba wao ni miongoni mwa makundi ya Kikristo. Basi Mwenyezi Mungu akatoa habari kuwa Waumini wa huu Ummah, na Mayahudi, na Wakristo na Wasabai, mwenye kumuamini Mwenyezi Mungu [miongoni mwao] na Siku ya Mwisho na wakawasadiki Mitume wao. Basi watapata malipo makubwa na amani, wala haitakuwa hofu juu yao, wala hawatahuzunika. Na ama mwenye kumkufuru Mwenyezi Mungu miongoni mwao, na Mitume wake, na Siku ya Mwisho, basi yeye yuko kinyume na hali hii; hivyo, hofu na huzuni vitakuwa juu yake. Na sahihi ni kwamba hukumu hii baina ya haya makundi ni kuhusiana na jinsi walivyo, sio kuhusiana na kumuamini Muhammad. Kwa sababu, huku ni kuwazungumzia kabla ya utume wa Muhammad. Na hivi ndivyo zilivyo hali zao. Na hii ndiyo njia ya Qur-ani inapoingia katika baadhi ya nafsi – wakati wa kusimulia Aya – baadhi ya fikira potofu, basi huwa hakuna budi kwamba utapata kinachoondoa fikira hiyo potofu. Kwa sababu (Qur-ani hii) ni uteremsho kutoka kwa yule anayeyajua mambo kabla hayajatokea, na yule ambaye rehema zake zimeenea kila kitu. Na hilo - na Mwenyezi Mungu ndiye anayejua zaidi - ni kwamba, alipowataja Wana wa Israili na kuwakashifu, na akataja dhambi zao na maovu yao, huenda ikaingia katika baadhi ya nafsi kwamba wote pia wanaingia katika kashfa hiyo. Kwa hivyo, Muumba Mtukufu alitaka kubainisha wale ambao hawaingii katika kashfa hiyo miongoni mwao kwa kueleza sifa zake. Na pindi alipowataja Wana wa Israili hasa, ikaleta fikira kuwa hilo ni mahususi kwao. Kwa hivyo, Mwenyezi Mungu Mtukufu akataja hukumu ya jumla inayojumuisha makundi yote. Ili ukweli ubainike na fikira upotovu na mkanganyiko viondoke. Basi ametakasika yule ambaye ameweka katika Kitabu chake yale yanayoangaza akili za wenye elimu.