Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَٱلَّذِينَ يُؤْمِنُونَ بِمَآ أُنزِلَ إِلَيْكَ وَمَآ أُنزِلَ مِن قَبْلِكَ وَبِٱلْـَٔاخِرَةِ هُمْ يُوقِنُونَ 4
(4) Kisha akasema “Na ambao wanayaamini yaliyoteremshwa kwako” nayo ni Qur-ani na Sunnah. Mwenyezi Mungu Mtukufu alisema, “Na Mwenyezi Mungu amekuteremshia Kitabu na hekima.” Kwa hivyo, wachamungu huyaamini yote waliyokuja nayo Mitume, na wala hawatofautishi kati ya baadhi ya yale yaliyoteremshwa juu yake. Wakawa wanaamini baadhi yake na hawaamini baadhi yake, ima kwa kuyakanusha au kwa kuyafasiri kinyume na alivyokusudia Mwenyezi Mungu na Mtume wake; kama anavyofanywa hivyo mwenye kufanya miongoni mwa wazushi wanaoyafasiri maandiko yanayoashiria kinyume na kauli yao kwa ufasiri ambao, matokeo yake ni kutosadiki maana yake hata kama wanasadiki matamshi yake, basi hawakuamini kwayo imani ya kweli. Na kauli yake “na yaliyoteremshwa kabla yako” inakusanya kuamini katika vitabu vyote vilivyotangulia. Na kuamini katika vitabu kunajumuisha kuwaamini Mitume na yale yaliyomo (katika Vitabu hivyo) hasa Taurati, Injili na Zaburi. Na hii ni sifa maalumu ya Waumini, kuwa wanaamini katika vitabu vyote vilivyoteremshwa kutoka mbinguni, na katika Mitume wote, na hawatofautishi baina ya yeyote miongoni mwao. Kisha akasema “na Akhera wana yakini nayo.” Nayo “Akhera” ni jina la yatakayotokea baada ya kufa, na aliitaja hususan baada ya ujumla, kwa sababu kuamini katika Siku ya Mwisho ni moja katika nguzo za imani na kwa sababu ndicho chanzo kikuu zaidi cha kumfanya mtu kuwa na tamaa, hofu, na kutenda vitendo (vyema). Na "yakini" ni kuwa na elimu kamili ambayo haina shaka hata kidogo ndani yake, na ambayo inamlazimu mtu kutenda (matendo mema).