Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
إِنَّ ٱلَّذِينَ ءَامَنُوا۟ وَعَمِلُوا۟ ٱلصَّـٰلِحَـٰتِ وَأَقَامُوا۟ ٱلصَّلَوٰةَ وَءَاتَوُا۟ ٱلزَّكَوٰةَ لَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ 277 يَـٰٓأَيُّهَا ٱلَّذِينَ ءَامَنُوا۟ ٱتَّقُوا۟ ٱللَّهَ وَذَرُوا۟ مَا بَقِىَ مِنَ ٱلرِّبَوٰٓا۟ إِن كُنتُم مُّؤْمِنِينَ 278 فَإِن لَّمْ تَفْعَلُوا۟ فَأْذَنُوا۟ بِحَرْبٍ مِّنَ ٱللَّهِ وَرَسُولِهِۦ ۖ وَإِن تُبْتُمْ فَلَكُمْ رُءُوسُ أَمْوَٰلِكُمْ لَا تَظْلِمُونَ وَلَا تُظْلَمُونَ 279
{277 - 279} "Hakika, wale walioamini na wakatenda mema na wakashika Swala na wakatoa Zaka." Aya hii ni kwa ajili ya kubainisha kuwa kubwa zaidi ya sababu za kujiepusha na yale aliyoharamisha Mwenyezi Mungu katika mapato yenye riba ni kuikamilisha imani na haki zake, hasa kushika swala na kutoa zaka. Kwa sababu, swala inakataza machafu na maovu. Nayo Zaka ambayo ni kuwafanyia viumbe wema inapingana na riba ambayo ni kuwadhulumu na kuwafanyia ubaya. Kisha akaelekeza mazungumzo kwa Waumini, na akawaamrisha kuiogopa (riba), na waache yale yaliyobaki katika mapatano ya riba ambayo walikuwa wakiyafanya kabla ya hapo. Na kwamba wasipofanya hivyo, basi wao wanapigana vita na Mwenyezi Mungu na Mtume wake. Na hili ni katika makubwa mno yanayoonyesha ubaya wa riba, kwani alimfanya mwenye kuendelea kuifanya kuwa anapigana vita dhidi ya Mwenyezi Mungu na Mtume wake. Kisha akasema, "na mkitubu" yani kutokana na miamala ya riba "basi haki yenu ni rasilimali zenu. Msidhulumu" watu kwa kuchukua riba "wala msidhulumiwe" kwa kupunguziwa mtaji wenu. Kwa hivyo, kila mwenye kutubia kutokana na riba, ikiwa ni miamala iliyopita, basi ni chake kilichopita, na jambo lake litachunguzwa. Na ikiwa ni miamila iliyopo basi inamlazimu kuchukua mtaji wake peke yake. Na ikichukua ziada, basi atakuwa ameifanyia riba ujasiri. Na katika Aya hii, kuna ubainisho wa hekima ya riba, na kwamba ni inajumuisha kuwadhulumu wenye mahitaji kwa kuchukua ziada na kuwazidishia riba, ingawa ni wajibu kuwapa muda. Na kwa sababu hii, akasema: