Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَقَـٰتِلُوا۟ فِى سَبِيلِ ٱللَّهِ وَٱعْلَمُوٓا۟ أَنَّ ٱللَّهَ سَمِيعٌ عَلِيمٌ 244 مَّن ذَا ٱلَّذِى يُقْرِضُ ٱللَّهَ قَرْضًا حَسَنًا فَيُضَـٰعِفَهُۥ لَهُۥٓ أَضْعَافًا كَثِيرَةً ۚ وَٱللَّهُ يَقْبِضُ وَيَبْصُۜطُ وَإِلَيْهِ تُرْجَعُونَ 245
{244 - 245} Mwenyezi Mungu Mtukufu aliiunganisha pamoja amri ya kupigana vita katika njia yake kwa mali na mwili. Kwa sababu, jihadi haisimami isipokuwa kwa mambo mawili haya. Na alihimiza juu ya kuwa na ikhlasi ndani yake kwamba mja apigane ili neno la Mwenyezi Mungu liwe juu. Kwa maana, kwa hakika Mwenyezi Mungu "ni Mwenye kusikia" maneno hata yakifichika. "Ni mwenye elimu" juu yale yaliyomo ndani ya nyoyo kama vile nia njema na kinyume chake. Pia yule anayefanya jihadi katika njia yake anapojua kwamba Mwenyezi Mungu ni Mwenye kusikia, Mwenye elimu, hilo linamuwiya rahisi. Na anajua kwamba hakika Yeye ni wale wanaovumilia kwa ajili Yake, na kwamba hakuna budi awape msaada na wema wake. Na tafakari kuhimiza huku kupole juu ya kutoa, na kwamba mtoaji huwa amemkopesha Mwenyezi Mungu, Tajiri, Mwingi wa ukarimu. Na akamuahidi mizidisho mingi, kama alivyosema Mola Mtukufu. "Mfano wa wale wanaotumia mali zao katika Njia ya Mwenyezi Mungu, ni kama mfano wa punje moja iliyochipuza mashuke saba. Katika kila shuke zimo punje mia. Na Mwenyezi Mungu humzidishia amtakaye. Na Mwenyezi Mungu ni Mwenye wasaa, Mwenye kujua." Na kwa vile kizuizi kikubwa kinachozuia kutoa ni kuhofia umasikini, Mwenyezi Mungu Mtukufu akajulisha kuwa utajiri na umasikini vimo mkononi mwa Mwenyezi Mungu. Na kwamba Yeye huikunja riziki kwa amtakaye, na huikunjua kwa amtakaye. Basi na asichelewe anayetaka kutoa kwa kuhofia umasikini. Na wala asifikirie kuwa amepoteza, bali marejeo ya waja wote ni kwa Mwenyezi Mungu. Kisha watoaji na watendaji kazi watapata malipo yao kwake; wameekewa akiba watakapokuwa wanayahitaji zaidi. Na hilo litawaathiri vikubwa kiasi ambacho haiwezekani kueleza. Na maana ya mkopo mzuri ni ule unaojumuisha sifa za wema kama vile nia njema na ukunjufu wa nafsi wakati wa kutoa. Na kuifikisha katika mahali pake, na kwamba mtoaji asiufuatishe kwa masimbulizi. Wala udhia, wala kubatilisha na kupunguza.