Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
لِّلَّذِينَ يُؤْلُونَ مِن نِّسَآئِهِمْ تَرَبُّصُ أَرْبَعَةِ أَشْهُرٍ ۖ فَإِن فَآءُو فَإِنَّ ٱللَّهَ غَفُورٌ رَّحِيمٌ 226
{226} Na hivi ni katika viapo mahususi kwa mke, katika jambo maalum, ambalo ni kiapo mumewe kuapa kuacha kumjamii mkewe kabisa, au kwa kuweka muda wa chini ya miezi minne au zaidi. Kwa hivyo, anayeapa kuacha kumjamii mkewe hasa, basi ikiwa ni chini ya miezi minne, hicho kitakuwa mfano wa viapo vinginevyo tu. Akikivunja kiapo chake, atatoa fidia. Na akikitimiza kiapo chake, basi hakuna chochote juu yake, na mkewe hana njia juu yake, kwa sababu amejizuia kwa muda wa miezi minne. Na ikiwa ni cha kuendelea milele, au kwa muda wa zaidi ya miezi minne, basi atapewa muda wa miezi minne katika kiapo chake, ikiwa mke wake atataka hivyo. Kwa sababu hiyo ni haki yake. Na muda huo ukiisha, ataamrishwa kumrudia, yani kujamii. Na akimjamii, basi hakuna kitu juu yake isipokuwa fidia ya kiapo. Na akikataa, atalazimishwa kumtaliki. Na akikataa, hakimu atamtalikia. Hata hivyo, kumrudia mkewe ndiko kunakopendeza zaidi kwa Mwenyezi Mungu Mtukufu. Na ndiyo maana akasema: “Na wakirejea”yani kuachana na yale waliyoapa kuyaacha, nako ni kujamii. “Basi Mwenyezi Mungu hakika ni Mwenye kusamehe” Anawasamehe kwa yale yaliyotokea kwa kuapa kwa sababu ya kurudi kwao. “Mwenye kurehemu,” kwa maana aliviwekea fidia viapo vyao, na cha kuwaondoa katika hilo, wala hakuvilazimisha juu yao, ambavyo haviwezekani kuvunjika. Na pia ni mwenye rehema juu yao kwa maana waliwarudia wake zao, na wakawahurumia na wakawarehemu.