Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
فَإِذَا قَضَيْتُم مَّنَـٰسِكَكُمْ فَٱذْكُرُوا۟ ٱللَّهَ كَذِكْرِكُمْ ءَابَآءَكُمْ أَوْ أَشَدَّ ذِكْرًا ۗ فَمِنَ ٱلنَّاسِ مَن يَقُولُ رَبَّنَآ ءَاتِنَا فِى ٱلدُّنْيَا وَمَا لَهُۥ فِى ٱلْـَٔاخِرَةِ مِنْ خَلَـٰقٍ 200 وَمِنْهُم مَّن يَقُولُ رَبَّنَآ ءَاتِنَا فِى ٱلدُّنْيَا حَسَنَةً وَفِى ٱلْـَٔاخِرَةِ حَسَنَةً وَقِنَا عَذَابَ ٱلنَّارِ 201 أُو۟لَـٰٓئِكَ لَهُمْ نَصِيبٌ مِّمَّا كَسَبُوا۟ ۚ وَٱللَّهُ سَرِيعُ ٱلْحِسَابِ 202
Kisha Mola Mtukufu akajulisha kuhusu hali za viumbe, na kwamba wote wanamuomba mahitaji yao, na wanamwomba awazuie yenye kuwadhuru, lakini makusudio yao yanatofautiana. Miongoni mwao “kuna wale wanaosema, “Mola wetu Mlezi, tupe duniani” yani anamuomba katika matakwa ya kidunia. Na yale ambayo ni katika matamanio yake, ilhali hana fungu lolote katika Akhera, kwa sababu ya kutoitaka; na akaiweka hima yake katika dunia peke yake. Na miongoni mwao kuna wale wanaomuomba Mwenyezi Mungu kwa manufaa ya Nyumba hizi mbili, na anamhitaji katika mambo ya dini yake na dunia yake. Na kila mmoja kati ya hawa na hao ana fungu la walichochuma na matendo yao. Na Mola Mtukufu atawalipa kulingana na matendo yao, na hima zao, na nia zao malipo yanayozunguka kati ya uadilifu na fadhila, ambayo kwayo anasifiwa sifa kamilifu zaidi na timilifu zaidi. Na katika Aya hii kuna dalili ya kwamba Mwenyezi Mungu anajibu dua ya kila mwombaji, awe Muislamu au kafiri, au mwenye kupindukia mipaka. Lakini jawabu lake kwa dua ya mwenye kumwomba siyo dalili ya mapenzi yake kwake na ukaribu wake kwake, isipokuwa katika matakwa ya Akhera na mambo ya dini. Na kheri inayotakiwa katika dunia hii inaingia ndani yake kila kinachopendwa na mja. Kama vile riziki nyingi, yenye baraka na halali, na mke mwema, na mtoto anayelipendeza jicho lake, na starehe, na elimu yenye manufaa, na matendo mema, na mfano wa hayo; miongoni mwa mahitaji yanayopendwa na yanayoruhusiwa. Na kheri ya Akhera, ambayo ni kusalimika kutokana na adhabu kaburini, na kisimamo, na moto, na kupata radhi za Mwenyezi Mungu, na kupata neema ya kudumu, na kuwa karibu na Mola Mlezi. Kwa hivyo, dua hii ikawa ni ndio dua inayojumuisha zaidi na kamilika zaidi na inayofaa zaidi kupendelewa. Na ndio maana Nabii rehema na amani za Mwenyezi Mungu ziwe juu yake alikuwa akiiomba sana kwa dua hii, na akahimiza juu yake.