Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
كُتِبَ عَلَيْكُمْ إِذَا حَضَرَ أَحَدَكُمُ ٱلْمَوْتُ إِن تَرَكَ خَيْرًا ٱلْوَصِيَّةُ لِلْوَٰلِدَيْنِ وَٱلْأَقْرَبِينَ بِٱلْمَعْرُوفِ ۖ حَقًّا عَلَى ٱلْمُتَّقِينَ 180
Yani Mwenyezi Mungu aliwafaradhishieni nyinyi, enyi kundi la Waumini, “mmoja wenu anapofikwa na mauti.” Yani sababu zake kama vile maradhi yanayokaribia kuangamiza, na kuwepo kwa sababu za maangamizo. Na alikuwa “ataacha heri” [yani mali] ambayo ni mali nyingi kwa mujibu wa desturi. Basi inamlazimu awausie wazazi wake wawili na jamaa wa karibu kwake kwa wema, kwa kadiri ya hali yake bila ya uharibifu. Na wala kumpa wa mbali zaidi peke yake na siyo wa karibu zaidi, bali awapange kulingana na ukaribu wao na haja zao. Na kwa sababu hii ndiyo alitumia ndani yake vitendo vya kuboresha. Na kauli yake, “ni haki juu ya wachamungu” inaonyesha ulazima wa hilo. Kwa sababu, haki ni kile kilichothubutu. Na Mwenyezi Mungu ameifanya kuwa ni miongoni mwa yale yenye kuleta uchamungu. Na jua ya kwamba wengi wa wafasiri wanaona kuwa Aya hii ilifutwa na Aya ya mirathi. Na baadhi yao wanaona kuwa inahusiana na wazazi wawili na jamaa ambao si warithi; ingawa hakuna dalili inayobainisha umahsusi huo. Katika suala hili, ni bora zaidi kusema: Hakika wasia hii ni kwa wazazi wawili na jamaa kwa ujumla, ila Mwenyezi Mungu Mtukufu alirudisha (maelezo yake yaamuliwe) kwa desturi ya sasa (ya watu). Kisha Mwenyezi Mungu Mtukufu akawawekea viwango wazazi wawili wanaorithi na jamaa wengine wanaorithi wema huo katika Aya za mirathi. Baada ya kwamba (wema huo) ulikuwa kiujumla, na ikabaki hukumu kuhusu wale ambao hawakurithi miongoni mwa wazazi waliozuiliwa kurithi na wengineo ambao walizuiwa kwa sababu ya mtu au sifa fulani. Basi mtu ameamrishwa kuwafanyia wasia watu hawa, na wao ndio wanaostahiki zaidi wema wake. Na kauli hii umma umekubaliana juu yake, na kwayo kunapatikana kupatanisha kati ya zile kauli mbili zilizotangulia. Kwa sababu, kila mmoja ya wale wanaozisema kila mmoja wao aliona kitu, lakini mitazamo ikatofautiana. Na kwa huku kupatanisha, kunakuwa na kuafikiana na kupatanisha kati ya Aya hizi. Kwa sababu, kila inapowezekana kupatanisha inakuwa bora zaidi kuliko kudai kuwepo ufutaji ambao hauungwi mkono na dalili yoyote sahihi.