Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
فَٱذْكُرُونِىٓ أَذْكُرْكُمْ وَٱشْكُرُوا۟ لِى وَلَا تَكْفُرُونِ 152
(152) “Basi nikumbukeni nitakukumbukeni.” Basi Mola Mtukufu akaamrisha kumkumbuka, na akaahidi malipo bora zaidi juu yake, ambayo ni kukumbuka kwake mwenye kumkumbuka. Kama alivyosema Mtukufu juu ya ulimi wa Mtume wake. “Mwenye kunikumbuka katika nafsi yake, basi mimi natamkumbuka katika nafsi yangu. Na mwenye kunikumbuka katika mkusanyiko, nitamkumbuka katika mkusanyiko bora kuliko wao.” Na kumkumbuka Mwenyezi Mungu Mtukufu kuliko bora zaidi ni kule ambako moyo na ulimi vimekubaliana ju yake. Nako ndiko [kukumbuka] ambako kunaoleta kumjua Mwenyezi Mungu, kumpenda, na wingi wa malipo yake. Na kukumbuka ndiko kichwa cha shukurani. Ndio maana akaliamrisha hilo hasa, kisha baada yake akaamrisha kushukuru kwa ujumla, akasema, “na nishukuruni”. Yani kwa yale niliyokuneemesheni kwa neema hizi, na nikawaondolea kila aina ya maovu. Na kushukuru kunakuwa pia kwa moyo kwa kukiri na kutambua neema. Na kwa ulimi kwa kutaja na kusifu. Na kwa viungo kwa kumtii Mwenyezi Mungu na kutekeleza amri zake na kuacha makatazo yake. Na katika kushukuru kuna kuendelea kubakia kwa neema iliyopo, na kuongezwa neema zisizokuwepo. Mwenyezi Mungu Mtukufu alisema, “mkishukuru, nitakuzidishieni.” Na katika kuweka amri ya kushukuru baada ya neema za kidini kama vile elimu, utakaso wa maadili, na na kuwezeshwa katika matendo; kuna kubainisha kuwa hizo ndizo neema kubwa zaidi. Bali ndizo neema za kihakika ambazo zinadumu zinapotoweka neema zinginezo. Na kwamba inampasa mwenye kuwezeshwa elimu au tendo fulani kwamba, amshukuru Mwenyezi Mungu kwa hilo ili awazidishie katika fadhila zake na ili kujisifu kujiepushe nao. Na pia wajishughulishe na kushukuru. Na kilipokuwa kinyume cha kushukuru ni kukufuru, akasema, “wala msinikufuru.” Na kilichokusudiwa na kukufuru hapa ni kinyume cha kushukuru, nako ni kukufuru neema na kuzikanusha na kutozitekeleza. Na inawezekana kuwa maana yake ni ya jumla, kwa hivyo kukawa kukufuru kuna aina nyingi, kubwa zaidi ikiwa ni kumkufuru Mwenyezi Mungu. Kisha aina za maasia mbalimbali na jinsi zake kama shirki na kilichoko chini yake.