Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلِكُلٍّ وِجْهَةٌ هُوَ مُوَلِّيهَا ۖ فَٱسْتَبِقُوا۟ ٱلْخَيْرَٰتِ ۚ أَيْنَ مَا تَكُونُوا۟ يَأْتِ بِكُمُ ٱللَّهُ جَمِيعًا ۚ إِنَّ ٱللَّهَ عَلَىٰ كُلِّ شَىْءٍ قَدِيرٌ 148
(148) Yani kila watu wa dini fulani na mila fulani wana mwelekeo wanaouelekea katika ibada zao. Na jambo la muhimu si katika kukielekea kibla. Kwa sababu, ni miongoni mwa sheria ambazo hubadilishwa na nyakati na hali, na zinaingiwa na ufutaji na kugeuzwa kutoka upande mmoja hadi upande mwingine. Lakini, jambo lote kabisa ni katika kutekeleza utiifu kwa Mwenyezi Mungu na kujikurubisha kwake na kutafuta ukaribu mno naye. Hiki ndicho kichwa cha furaha na hati ya kuwa karibu na Mwenyezi Mungu. Nacho ndicho ikiwa nafsi hazitasifika kwacho, basi zitapata hasara ya duniani na Akhera. Kama vile ikiwa (nafsi) zitasifika kwacho, basi hizo ndizo zenye faida kwa hakika. Na hili ni jambo lililokubaliwa katika sheria zote. Nalo ndilo ambalo Mwenyezi Mungu aliumba viumbe kwa ajili yake, na akawaamrisha kulifanya. Na amri ya kushindana kuendea mema ni kiwango cha ziada juu ya amri ya kutenda mema tu. Kwani, kushindana kuyaendea (mema), kunajumuisha kuyafanya, kuyakamilisha, na kuyatekeleza katika hali bora zaidi, na kuyakimbilia. Na mwenye kushindana katika heri duniani, basi yeye ndiye wa kwanza Akhera kwenda Peponi. Kwa hivyo, wanaoshindana ndio wa daraja la juu kabisa miongoni mwa viumbe. Nazo heri zinajumuisha mambo ya faradhi yote na ya sunna kama vile Swala, Swaumu, Zaka, Hija, 'Umra, Jihad, na manufaa yanayowafikia wengine; na yale yasiyowafikia wengine. Na kwa kuwa jambo lenye nguvu zaidi linalozihimiza nafsi kukimbilia heri na kuzitia nguvu ni yale aliyoyawekea Mwenyezi Mungu ya malipo, akasema: “Popote mlipo, Mwenyezi Mungu atawaleta nyote pamoja. Hakika, Mwenyezi Mungu ni Muweza wa kila kitu.” Atawakusanya Siku ya Kiyama kwa uwezo wake, na atamlipa kila mtendaji kwa matendo yake, “ili awalipe waliotenda ubaya kwa waliyoyatenda, na awalipe waliotenda mema kwa wema.” Na Aya hii tukufu inatumiwa kama ushahidi wa kufanya kila jema ambalo matendo yanasifika kwalo, kama vile kuswali mwanzoni mwa wakati wake, kuharakisha kutekeleza faradhi za kufunga, Hija na 'Umra, na kutoa Zaka, na kutekeleza sunna za ibada na adabu zake. Basi ee Mwenyezi Mungu! Ni ya kujumuisha na kunufaisha kulikoje huku kwa Aya hii!