Al-Israa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَقَدْ صَرَّفْنَا لِلنَّاسِ فِى هَـٰذَا ٱلْقُرْءَانِ مِن كُلِّ مَثَلٍ فَأَبَىٰٓ أَكْثَرُ ٱلنَّاسِ إِلَّا كُفُورًا 89 وَقَالُوا۟ لَن نُّؤْمِنَ لَكَ حَتَّىٰ تَفْجُرَ لَنَا مِنَ ٱلْأَرْضِ يَنۢبُوعًا 90 أَوْ تَكُونَ لَكَ جَنَّةٌ مِّن نَّخِيلٍ وَعِنَبٍ فَتُفَجِّرَ ٱلْأَنْهَـٰرَ خِلَـٰلَهَا تَفْجِيرًا 91 أَوْ تُسْقِطَ ٱلسَّمَآءَ كَمَا زَعَمْتَ عَلَيْنَا كِسَفًا أَوْ تَأْتِىَ بِٱللَّهِ وَٱلْمَلَـٰٓئِكَةِ قَبِيلًا 92 أَوْ يَكُونَ لَكَ بَيْتٌ مِّن زُخْرُفٍ أَوْ تَرْقَىٰ فِى ٱلسَّمَآءِ وَلَن نُّؤْمِنَ لِرُقِيِّكَ حَتَّىٰ تُنَزِّلَ عَلَيْنَا كِتَـٰبًا نَّقْرَؤُهُۥ ۗ قُلْ سُبْحَانَ رَبِّى هَلْ كُنتُ إِلَّا بَشَرًا رَّسُولًا 93
{89-93} Yeye Mtukufu anasema, "Na hakika tumewaeleza watu katika Qur-ani hii kwa kila mfano." Yaani, tumeeleza ndani yake aina mbalimbali za mawaidha na mifano, na tumerudiarudia humo maana ambazo waja wanazihitaji ili wazikumbuke na kumcha Mungu, lakini hawakukumbuka isipokuwa wachache tu miongoni mwao, wale ambao walikwisha andikiwa na Mwenyezi Mungu kwamba watakuwa wenye furaha, na Mwenyezi Mungu akawasaidia kwa kuwawezesha kufikia hayo. Ama wengi wa watu, hao walikataa isipokuwa kukufuru neema hii ambayo ndiyo kubwa zaidi kuliko neema zote, na wakaanza kumfanyia ukaidi kwa kutaka ishara zisizokuwa ishara zake, ambazo wanazizua kwa nafsi zao dhalimu zisizojua kitu. Wakamwambia Mtume wa Mwenyezi Mungu - rehema na amani za Mwenyezi Mungu ziwe juu yake - ambaye alikuja na Qur-ani hii yenye kila hoja na ishara, "Hatutakuamini mpaka ututimbulie chemchemi katika ardhi hii." Yaani, mito itiririkayo. "Au uwe na bustani ya mitende na mizabibu," ikawa inakutosheleza kwenda na kurudi sokoni. "Au utuangushie mbingu vipande vipande kama ulivyodai." Yaani, kipande cha adhabu. "Au utuletee Mwenyezi Mungu na Malaika uso kwa uso," ili wakushuhudilie hayo uliyokuja nayo. "Au uwe na nyumba iliyopambwa" kwa dhahabu na vitu vingine. "Au upae mbinguni" kwa mwili wako. "Na" pamoja na haya, "hatutaamini kupaa kwako huko mpaka ututeremshie kitabu tukisome." Na kwa kuwa haya ni ukaidi, na kutaka kumfanya Mwenyezi Mungu kana kwamba hana uwezo, na ni maneno ambayo husemwa na watu wajinga zaidi na madhalimu zaidi, ambayo yanajumuisha kukataa haki na kuwa na tabia mbaya mbele ya Mwenyezi Mungu, na kwamba Mtume -rehema na amani za Mwenyezi Mungu zimshukie - ndiye anayeleta tu ishara. Mwenyezi Mungu akamwamrisha amtakase, akasema, "Sema: Ametakasika Mola wangu Mlezi," kutokana na hayo mnayoyasema na yuko juu sana. Na ametakasika kutokana kwamba hukumu zake na ishara zake zifuatane na matamanio yao mabovu na rai zao potovu. "Je, kwani mimi ni nani isipokuwa ni mtu tu na Mtume," ambaye hana chochote mkononi mwake katika jambo hili?